З гэтага часу індывідуальныя прадпрымальнікі не змогуць выступаць у якасці забудоўшчыкаў, а гарантыя на пабудаваныя аб’екты нерухомасці павялічыцца з 2 да 5 гадоў.
Адпаведныя змены змяшчаюцца ва Указе № 263 «Аб долевым будаўніцтве аб’ектаў у Рэспубліцы Беларусь», які Аляксандр Лукашэнка падпісаў яшчэ 7 чэрвеня гэтага года. Аднак указ уступіў у сілу толькі ўчора. Тры месяцы спатрэбілася для таго, каб урад і суб’екты, якія ўдзельнічаюць у долевым будаўніцтве змаглі адаптавацца да новых умоў.
Адным з галоўных новаўвядзенняў з’яўляецца істотнае пашырэнне сферы дзеяння дзяржаўнага рэгулявання ў сферы долевага будаўніцтва.
Раней дзейны ў гэтай галіне ўказ ад
Зараз жа ўсе забудоўшчыкі, якія збіраюцца будаваць аб’ект з прыцягненнем дольшчыкаў, абавязаныя будуць прытрымлівацца адзіных правілаў. І, напэўна, самае галоўнае з гэтых правілаў гэта тое, што «забудоўшчык мае права прыцягваць грашовыя сродкі дольшчыкаў для забяспечання долевага будаўніцтва аб’ектаў долевага будаўніцтва толькі пры адсутнасці ў яго пазычанасці па падатках, зборах, iншых абавязковых плацяжах у рэспубліканскі і (або) мясцовы бюджэт (у тым ліку ў дзяржаўныя мэтавыя бюджэтныя фонды), у дзяржаўныя пазабюджэтныя фонды», а таксама «пры наяўнасці дакументаў, якія сведчаць яго права на зямельны ўчастак, неабходны для забяспечання долевага будаўніцтва, дакументаў, якія пацвярджаюць апублікаванне праектнай дэкларацыі і дамоваў, зарэгістраваных ва ўстаноўленым парадку мясцовымі выканаўчымі і распарадчымі органамі». Калі да гэтага дадаць, што згодна з новым указам з ліку забудоўшчыкаў выключаныя індывідуальныя прадпрымальнікі, то пранікненне на рынак нейкіх нядобранадзейных або фінансава няўстойлівых забудоўшчыкаў фактычна выключаецца. На гэта ж нацэленая норма, якая прадугледжвае не толькі абавязковую рэгістрацыю ў выканкамах усіх дамоваў долевага будаўніцтва, але і дадатковых пагадненняў да іх, калі змяняецца хоць бы адна істотная ўмова.
Урад спадзяецца, што выключыць гэтым магчымасць продажу ашуканцамі аднаго аб’екта па некалькі разоў.
Дарэчы, менавіта на выканкамы ўскладзены абавязак кантраляваць кожнае долевае будаўніцтва, на якое мясцовы орган улады выдаў дазвол. Дапамагаць у гэтай справе мясцовым органам улады будуць аўдытары. Указ абавязаў забудоўшчыкаў штогод праводзіць аўдыт мэтавага выкарыстання сродкаў, што прыцягваюцца ў будаўніцтва з прадстаўленнем копіі вынікаў такога аўдыту ў мясцовыя выканаўчыя і распарадчыя органы. Пры гэтым кожны дольшчык мае права азнаёміцца з вынікамі такога аўдыту.
З іншага боку, новым указам прадугледжаныя і некаторыя паслабленні для забудоўшчыкаў.
Так, раней тыпавую дамову стварэння аб’екта долевага будаўніцтва абавязаныя былі выкарыстоўваць усе суб’екты долевага будаўніцтва шматкватэрных жылых дамоў. Зараз жа тыпавая дамова абавязковая толькі пры будаўніцтве долевым спосабам жылых памяшканняў з дзяржаўнай падтрымкай і (або) з абмежаваным прыбыткам, гэта значыць калі дольшчыкам выступае грамадзянін, які стаіць у чарзе як той, хто мае патрэбу.
Указ прадугледжвае і дадатковыя меры па абароне правоў такіх дольшчыкаў.
Так, калі ў якасці дольшчыка выступае грамадзянін, які стаіць на ўліку тых, хто мае патрэбу ў паляпшэнні жыллёвых умоў, указ усталяваў забарону на заключэнне з ім дамоваў, дзе б цана аб’екта долевага будаўніцтва прымяркоўвалася да валютнага эквіваленту. А змяненне цаны аб’екта долевага будаўніцтва па ініцыятыве забудоўшчыка можа ажыццяўляцца толькі ў выпадках змены статыстычных індэксаў кошту
Ну і істотная навіна — у павелічэнні гарантыйнага тэрміну аб’екта долевага будаўніцтва з 2 да 5 гадоў. Названыя новаўвядзенні не распаўсюджваюцца на дамовы стварэння аб’ектаў долевага будаўніцтва, заключаныя да ўступлення ўказа ў сілу.
