10.09.2013 / 17:53

Мінгарвыканкам лічыць лішнім усталяванне ў Мінску помніка Каліноўскаму 25

Мінгарвыканкам лічыць заўчасным устаноўку помніка Кастусю Каліноўскаму ў сталіцы. Пра гэта гаворыцца ў адказе кіраўніцтва гарвыканкама на калектыўны зварот грамадзян.

У адказе пазначана, што не так даўно была вернута памятная дошка Каліноўскаму па адрасе: вуліца Каліноўскага, 55. «У сувязі з гэтым яны (Мінгарвыканкам) лічаць узвядзенне помніка лішнім. Такія высновы зрабілі ў Навукова-даследчым інстытуце сацыяльна-эканамічных навук, а таксама такія заключэнні былі ад Міністэрства культуры», — адзначаецца ў паведамленні ГА «Альтэнарнатыва», якое і выступіла з ідэяй ўсталявання помніка.

Адзін з ініцыятараў кампаніі Алег Корбан, каментуючы пазіцыю ўладаў, адзначыў, што праігнаравана прапанова чатырох тысяч грамадзян. «Як магла ўлада, будзь яна па-сапраўднаму народнай, адмовіць сваім падаткаплацельшчыкам, выбаршчыкам, прадстаўнікам інтэлігенцыі ў такім пытанні? Калі народ лічыць патрэбным узвядзенне помніка пэўнай асобе, то ніякіх фармальных адпісак быць не можа! Мне здаецца, што толькі народ, зыходзячы са свайго бачання, грунтуючыся на нацыянальнай гісторыі і памяці, можа вызначаць, якія помнікі павінны быць у яго краіне», — сказаў Корбан.

Ён падкрэсліў, што адказы, якія паступілі з Міністэрства культуры, Адміністрацыі прэзідэнта, Мінскага гарадскога савета дэпутатаў, Мінгарвыканкама адказы «дыскрэдытуюць нашу гісторыю і нашу краіну».

0
нармальны пацан / Адказаць
10.09.2013 / 18:16
Праўду кажучы, гэты Корбан нешта дарма кіпіш падымае. Ці ён думае, у нас не знойдзецца чатырох тысячаў аматараў Сталіна, што не супраць "замовіць" таму помнік? Яны ж такія самыя падаткаплацельшчыкі. Мае погляды, прыкладам, не настолькі дэмакратычныя, каб спакойна гэта ўспрыняць, таму я магу і ўлады зразумець. Пры сучасным стане рэчаў ужо і дошка гэта добра. А наконт помніка, як мне здаецца, ніхто не хоча браць на сябе прыняцце рашэння, бо па шапцы баіцца атрымаць.
0
Руслан / Адказаць
10.09.2013 / 18:18
Але, ёсьць дошкi Ленiна, але и вулiцы и нават – помнiкi. Што, Каліноўскi – горш за яго i ня варты?
0
анон / Адказаць
10.09.2013 / 18:24
Проста для пабудовы годнага помніка Каліноўскаму неабходна знесці помнік Леніну. Таму, вядома, заўчасна
Паказаць усе каментары/ 25 /
Каб пакінуць каментар, калі ласка, актывуйце JavaScript у наладах свайго браўзеру