11.09.2013 / 11:12

Пракаповіч: Пытанне пошліны $100 будзе вырашана за месяц дададзена 36

Культавы для беларусаў віленскі «Акропаліс» можа стаць недасяжнай марай

Пытанні, якія тычацца ўвядзення пошліны для беларусаў, якія выязджаюць за мяжу, плануецца адпрацаваць на працягу бліжэйшага месяца — паўтара. Пры гэтым выязная пошліна не павінна закрануць турыстаў.

Аб гэтым паведаміў сёння ў час прамой лініі ў газеце «Рэспубліка» віцэ-прэм’ер Беларусі Пятро Пракаповіч.

"Гэта пытанне зараз разглядаецца ва ўрадзе, мы яго старанна вывучаем.

Мяркую, што дзесьці на працягу месяца мы дамо адказы на ўсе пытанні», — адзначыў Пётр Пракаповіч.

Па яго словах, разглядаюцца розныя магчымыя формы рашэння пытання.

Пры гэтым у выпадку, калі пошліна будзе ўведзена, яна не закране грамадзян, якія выязджаюць у турыстычныя паездкі, і будзе дзейнічаць для тых, хто часта ездзіць за пакупкамі і прывозіць шмат тавараў для перапродажу ў Беларусі.

Прапанова ўвесці пошліну беларусаў, якія выязджаюць за мяжу на закупы, прагучала з боку Лукашэнкі ў час наведвання ААТ «Мотавела» 6 верасня.

«Нас крытыкуюць — бедная, жабрацкая краіна, а нашы людзі да $3 млрд у год вывозяць за мяжу ў Еўрасаюз і прывозяць барахло, якое мы таксама выпускаем», — падкрэсліў Лукашэнка. «Дык вось я даўно даручыў, аж да таго, што выязджаеш за межы, усё роўна за чым, заплаці выязную пошліну. Гэта будзе так: мы цябе на мяжы абслугоўваем — $ 100 з носа плаці і едзь за мяжу», — сказаў Аляксандр Лукашэнка.

0
настаўніца / Адказаць
11.09.2013 / 11:20
Пошліна Ў 100 даляраў - НЕ па-беларуску. Напішыце без Ў і пачытайце: пошліна 100 даляраў, праўда нармальна, па-нашаму?
0
Альберт Бохан / Адказаць
11.09.2013 / 11:21
«Нас крытыкуюць — бедная, жабрацкая краіна, а нашы людзі да $3 млрд у год вывозяць за мяжу ў Еўрасаюз і прывозяць тавары, якія мы таксама выпускаем» Чытаць цалкам http://nn.by/?c=ar&i=115019 не дакладная ж цытата, не "тавары", а "бахахло"
0
LMI / Адказаць
11.09.2013 / 11:21
Невук сказаў - халуі выканалі!!! Плаці беларус і радуйся, узровень шчасьця яшчэ болей падымецца паводле ААН у нашай краіне
Паказаць усе каментары/ 36 /
Каб пакінуць каментар, калі ласка, актывуйце JavaScript у наладах свайго браўзеру