На фота: Сяргей Цяцерын —
Аляксандр Лукашэнка даручыў выбудаваць эфектыўную сістэму адбору і падрыхтоўкі таленавітых спартсменаў у розных відах спорту. Аб гэтым ён заявіў сёння, наведваючы ў Мінску Гарадскі цэнтр алімпійскага рэзерву па тэнісе.
Тое, як трэба арганізаваць адбор перспектыўных спартсменаў, Лукашэнка распавёў на прыкладзе тэніса. «Самае галоўнае — гэта сістэма. Нам трэба выбраць паўсотні перспектыўных талковых рабят з тых, хто ёсць, і каб потым хаця б
Пры гэтым ён адзначыў, што ў гэты працэс павінны быць уцягнуты ўсе працуючыя ў Беларусі тэнісныя цэнтры, не толькі дзяржаўныя, але і прыватныя.
Апошнім Лукашэнка паабяцаў падтрымку, калі яны будуць займацца падрыхтоўкай перспектыўных спартсменаў, у тым ліку на бясплатнай аснове, несучы пэўную сацыяльную нагрузку. «Вядома, падтрымаем, калі чалавек хоча працаваць, ўкладвае свае грошы. За гэтым справа не стане, мы ім таксама падставім плячо, — сказаў ён. — У нас у гэтым плане няма прыватных, дзяржаўных, усе павінны працаваць на вынік».
Аляксандр Лукашэнка таксама асабліва падкрэсліў, што працэс адбору павінен быць выключна сумленным і грунтавацца менавіта на спартыўным патэнцыяле юных спартсменаў. А тым перспектыўным дзецям, чые бацькі не могуць аплачваць прафесійныя заняткі спортам, павінна быць аказана неабходная падтрымка. Ён адзначыў, што і сам гатовы пры неабходнасці ў гэтым удзельнічаць.
Ён, у прыватнасці, прапанаваў выкарыстаць для трэніровачнага працэсу корты, размешчаныя на тэрыторыі яго рэзідэнцыі ў Драздах.
«Я гатовы падключыцца, калі трэба. Вазьміце самых лепшых, няхай там трэніруюцца, асабліва зімой. У нас у краіне дастаткова інфраструктуры, каб рыхтавацца», — сказаў ён.
Аляксандр Лукашэнка звярнуў увагу, што прафесійны ўзровень тэніса ў свеце значна ўзрос, асабліва сярод лідараў у мужчынскім тэнісе.
«З імі гуляць вельмі складана, але калі мы выгадуем пару такіх хлопчыкаў і дзяўчынак, якія будуць з імі гуляць, — гэта ўжо дасягненне. А ў жаночым тэнісе мы спакойна можам мець
Паводле яго слоў, адпаведны прынцып неабходна распаўсюдзіць і на іншыя віды спорту: «Усюды трэба з усёй масы выбіраць лепшых». «Усё ёсць для таго, каб працаваць. Адразу скажу, што шалёных грошай мы вам не дамо, але за вынік заплацім», — сказаў ён.
Лукашэнка таксама падкрэсліў, што калі дзяржава ўкладвае ў падрыхтоўку сродкі, то пэўныя абавязацельствы павінны звязваць і спартсмены.
«Каму неабходна, таму трэба дапамагчы. Галоўнае, каб мы мелі з імі кантракты, як на Захадзе, каб яны памяталі, дзе рабілі першыя крокі», — адзначыў Лукашэнка.