21.09.2013 / 11:07

У Ірландыі і Вялікабрытаніі з’явілася першая жанчына-біскуп 10

Фота bbc.co.uk.

Пэт Сторы стала першай жанчынай-біскупам у Вялікабрытаніі і Ірляндыі, аб чым абвясьціла ў пятніцу ірляндзкая англіканская царква.

Замужняя 53-гадовая Пэт Сторы стане біскупам у Міт і Кілдары. Яна сказала, што «ўсхваляваная і яе палохае новае прыгода».

Царква Ірляндыі ўключае Ірляндыю і Паўночную Ірляндыю, якая зьяўляецца часткай Вялікабрытаніі.

Царква Уэльсу і Шатляндыі прыняла заканадаўства, якое дазваляе жанчын станавіцца біскупамі, але яшчэ не прызначала ніводнага, у той час як Царква Ангельшчыны, як чакаецца, ухваліць закон неўзабаве, нягледзячы на моцную апазыцыю ад традыцыяналістаў.

Сторы, у якой двое дзяцей, вырасла ў Белфасьце, вучылася ў Дубліне і была да гэтага часу рэктарам у Лёндандэры, Паўночная Ірляндыя.

Рычард Клярк, арцыбіскуп Армы і прымас англіканскай Царквы Ірляндыі, сказаў: «Ведаю Пэт Сторы з тых часоў, калі яна была студэнтам, а я настаяцелем Трыніці-каледжу ў Дубліне. І вельмі вітаю яе як новага біскупа. Яна валодае вялікай цеплынёй, інтэлектам і духоўнай глыбінёй».

0
LMI / Адказаць
21.09.2013 / 18:28
Без каментароў. Новы папа яшчэ не тое выдумае, слухаючы яго заявы. Царква у заходнім сьвеце дэградуе надзвычай шпарка пераўтвараясь у што заўгодна, але не Боскае
0
Няхлюй / Адказаць
21.09.2013 / 23:14
2LMI Не гундзі! Францішак І - гэта ня тое, што былы маскоўскі поп Кандрусевіч.
0
salo / Адказаць
21.09.2013 / 23:44
жах
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру