19 верасня прыкладна а 20 гадзіне вечара на вуліцы Карла Маркса ў Мінску былі затрыманыя дзве непаўналетнія актывісткі маладзёжнага крыла Партыі БНФ Кацярына Радзікульцава і Дар'я Клінава.
Дзяўчат абвінавачваюць у расклейванні налепак да маючага адбыцца 14 кастрычніка "Еўрапейскага маршу".
Затрыманых адвялі ў Мінскі гарадскі аддзел унутраных спраў па вуліцы Карла Макрса. Праз некаторы час актывістак перавезлі ў Ленінскі РУУС. У дзяўчат праверылі дакументы і правялі асабісты дагляд рэчаў. Выклікалі у аддзел міліцыі іх бацькоў для разбору.
А 12-й гадзіне ночы затрыманых адпусцілі разам з бацькамі. Быў складзены так званы "рапарт затрымання".
0
0
0
0
0
0
