07.10.2013 / 19:27

Памерла Яана Хмялеўская 6

Папулярная польская пісьменніца памерла ва ўзросце 81 года. «Гумарыстычнасць навакольнага свету прасочваецца ў маю прозу. Гэта не сатыра, толькі адбітак крэтынства, якое дзеецца вакол нас», — казала яна пра сваю творчасць.

Хмялеўская нарадзілася ў 1932 у Варшаве. Пісала дэтэктывы, трылеры, кніжкі для дзяцей і моладзі. Прысутнічала на літаратурнай сцэне ад 1960-х. Да яе найпапулярнейшых твораў належаць: «Мы ўсе падазраваныя», «Кракадзіл з краіны Караліны», «Што сказаў нябожчык». У верасні выйшаў яе чарговы крымінальны раман — «Вынік злачынства».

У аснове кніжак Хмялеўскай зазвычай ляжыць крымінальны сюжэт, на які абапіраецца фабула, поўная нечаканых паваротаў дзеі, камічных, часта гратэскных сітуацый.

Кожная новая кніжка Хмялеўскай рабілася ў Польшчы бестселерам. Агульны наклад яе твораў у Польшчы — больш за 6 млн асобнікаў. У Расеі пісьменніца была найпапулярнейшым замежным аўтарам — сумарны наклад яе твораў сягаў 8 млн асобнікаў. На беларускую творы Хмялеўскай не перакладаліся. Перакладчыкі, сярод іншага, тлумачаць гэта занадта дарагімі аўтарскімі правамі на яе творы.

Хочаш падзяліцца важнай інфармацыяй ананімна і канфідэнцыйна?

0
S / Адказаць
07.10.2013 / 19:37
RIP!
0
VM / Адказаць
07.10.2013 / 19:43
>"Агульны наклад яе твораў у Польшчы — больш за 6 млн асобнікаў" Вось што значыць краіна, дзе прэзідэнт не дадумаецца публічна казаць штодня "эці польскамоўныя", "эці сьвядомыя". Таленты разьвіваюцца менавіта там. І хай зямля ім будзе пухам! Але які трагічны год: мая маці, равесьніца пані Хмялеўскай, памерла таксама сёлета на 83-м годзе жыцьця. Крыху перад тым - канадзкі беларускі пісьменьнік Кастусь Акула, таксама на 83-м. Адыходзіць пакаленьне тых, хто перажыў вайну, савецкую паваенную экспансію, дачакаўся новых часоў, але пажыць толкам не ўдалося.
0
chytach / Адказаць
07.10.2013 / 21:03
Шкада... Маю ўсе яе творы. Чакалі кожную новую кнігу. Заўжды пазітыўна... Што цяпер чытаць???!!! Вечная памяць...
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру