08.10.2013 / 13:04

«Алютэх» набыў нямецкі завод рулонных варот 2

Беларуская група кампаній «Алютэх», падкантрольная мільянеру Аляксею Жукаву, набыла нямецкую кампанію Günther-Tore - вытворцы секцыйных і рулонных варот.

Дамова была падпісаная 30 верасня.

Кампанія Günther-Tore прысутнічае на заходнееўрапейскім рынку больш за 40 гадоў. Яна вядомая як вытворца прамысловых варот для вялікіх і вельмі вялікіх праёмаў.

У 1972 годзе кампанія была занесена ў Кнігу рэкордаў Гінеса як вытворца самых вялікіх рулонных варот у свеце - плошчай 700 м2.

Як адзначаюць у «Алютэху», набыццё галаўнога завода кампаніі Günther-Tore каля Франкфурта-на-Майне дазволіць холдынгу стварыць дадатковы рэзерв вытворчых магутнасцяў.

 «Алютэх» таксама набыў кантроль над збытавай сеткай Günther-Tore, якая ўключае ў сябе кампаніі ў Францыі, Германіі, Аўстрыі.

0
Тэкля / Адказаць
08.10.2013 / 15:54
Прыляцеў даражэнькі! Ты скажы, прывёз ты грошы з Казахстану ці не?
0
Няхлюй / Адказаць
08.10.2013 / 20:13
Учора адзін чувак з аднога завода гэтага Алютэха прасіў праз радыё пераказаць жонцы, каб "ня дзьмулася". Дык гэты чувак у свой час адправіў самаход з грузам замест Кіргізіі ў Казахію. Потым пастаяў перад Жукавым на каленях, дык і нічога - начальнікам пасьля нават стаў. А куратарам гэтага бізнэсу там тав. Урал Латыпаў.
Каб пакінуць каментар, калі ласка, актывуйце JavaScript у наладах свайго браўзеру