08.10.2013 / 14:18

Ірына Халіп і Том Стопард падзялілі прэстыжную брытанскую прэмію ПЭН/Пінтэра 4

Драматург сэр Том Стопард атрымаў сёлета прэмію Пінтэра ў Брытанскай бібліятэцы ў Лондане. Пра перамогу Стопарда было вядома некалькі дзён таму, але тое, што беларуская журналістка Ірыну Халіп стала суатрымальніцай пісьменніцкай узнагароды за мужнасць, абвясцілі ў панядзелак.

Паводле сэра Тома, Ірына Халіп заслугоўвае прызнання яе мужнасці за крытыку аўтарытарнай улады, нягледзячы на запалохванні і пазбаўленне волі.

Узнагарода ПЭН/Пінтэра — штогадовая літаратурная ўзнагарода, заснаваная 2009 брытанскім ПЭН-клюбам у гонар Гаральда Пінтэра, які быў актыўным удзельнікам Камітэта зняволеных пісьменнікаў пры ПЭН.

Прэмію дзеляць паміж брытанскім пісьменнікам, які дэманструе, кажучы словамі Нобелеўскай прамовы Пінтэра, «цвёрдую, непахісную і гарачую інтэлектуальную рашучасць» і замежным пісьменнікам, які церпіць пераслед або зняволены за свае погляды.

Том Стопард таксама сказаў, што для яго «гонар падзяліць узнагароду з адважнай журналісткай.

Інфармацыйныя агенцтвы цытуюць словы Ірыны Халіп: «Гэта вялікі гонар для мяне, але, больш за тое, гэта адзнака справядлівай барацьбы народа Беларусі за правы чалавека і за нашую годнасць».

Антонія Фрэйзер, удава Гаральда Пінтэра, сказала: «Гаральд прывітаў бы перамогу Тома з энтузіязмам, як вялікі прыхільнік яго творчасьці, ён быў бы асабліва ўсцешаны прэміяй Ірыне, бо беларуская справа была блізкая яго сэрцу».

0
mikola ramanau / Адказаць
08.10.2013 / 14:51
Mai vinsavanni Iryne! Za Novu Belarus!......../....Belgie.
0
askrealp@lesapark / Адказаць
08.10.2013 / 21:41
Trokhi pad drugim vuglom padaece getuiu navinu, NN. Premiai uznagarodzhan Tom, geta bylo viadoma z leta. Na prezentacyi u paniadzelak u uiago bylo prava padzialic svaiu premiu z nekim, kago ion lichyc' derzkim zhurnalistam pa pravakh chalaveka. Ion abrau Khalip, ne vypadkova, kaneshna. Tom Stoppard zaimaecca padtrymkai pravaabaroncau z uskhodeneurapeiskikh postkamunistychnykh rukhau ( sam naradziusia u Chekhaslavakii, bac'ki gabrei zbegli u Brytaniiu ad Nazi). Pa-drugoe, iak playwriter, mae i teatral'nae asiaroddze, iakoe padtrymlivae vashy BFT, iaki, u svaiu chargu, padtrymlivae spadchynu brytanskaga dramaturga Harolda Pintera ( viadomaga taksama z gabreiskimi uskhodneeurapeiskimi karaniami bac'kou). Rukh "Eurapeiskaia Belarus" iak viadoma padtrymlivaecca teatral'nym kolam u Brytanii. Na chale kamisii getai premi, u gonar Pintera, iagonaia udava, Lady Antonia Frasier i drugaia zhonka Pintera, i kali ne pamyliausia, darectar Young Vic, iaki padtrymlivae BFT, plius iashche adna persona. Pershym treba stavic' imia pryziora, a ne kamy ion vyrashyu addac palovu svaioi premii. Iryna Khalip, iak by kamu z iae zhurnalistskaga asiaroddzia ne khacelasia, na litaraturna-teatral'nyia premii u Brytanii ne vyznachalasia, iae praca tut ne drukuecca, bo iana pracue u raseiskai gazece.
0
zina / Адказаць
09.10.2013 / 01:19
а што за персона?
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру