10.10.2013 / 09:44

Сёння а 14-й прысудзяць Нобеля па літаратуры 9

Як паведамляе сайт Нобелеўскага камітэта, імя лаўрэата стане вядома а 14-й паводле мінскага часу (13:00 паводле сярэднееўрапейскага часу)

Сярод найбольш верагодных прэтэндэнтаў, букмекеры называюць японскага пісьменніка Харукі Муракамі, Эліс Мунро (Канада), Святлану Алексіевіч (Беларусь), Джойс Кэрал Оутс (ЗША), Петэра Надаша (Венгрыя), Юна Фосэ (Нарвегія).

У пятніцу а 12-й стане вядомы нобелеўскі лаўрэат прэміі міру.

Найбольш верагодныя шанцы ў 15-гадовай пакістанскай школьніцы Малалы Юсуфзай. Сярод прэтэндэнтаў — і беларускі праваабаронца, які адбывае 4,5 года зняволення, Алесь Бяляцкі.

Дагэтуль беларусы не атрымлівалі Нобеля, але прэстыжную прэмію атрымлівалі ўраджэнцы нашых земляў:

амерыканец Сайман Кузнец, што нарадзіўся ў 1901 г. у Пінску, ён атрымаў прэмію ў галіне эканомікі ў 1971 г.

У 1994 г. прэмію міру з Іцхакам Рабінам і Ясірам Арафатам падзяліў сённяшні прэзідэнт Ізраіля Шыман Перэс (Сямён Перскі), што нарадзіўся ў 1923 г. у Вішневе пад Валожынам, а ў 2000 г. прэмію з галіне фізікі атрымаў Жарэс Алфёраў, які нарадзіўся ў 1930 г. у Вицебску і затым скончыў славутую мінскую школу №42.

nn.by

0
рррррр / Адказаць
10.10.2013 / 10:26
Мураками - Алексиевич. Абодва пишуць для замежнага чытача. Як тут выбраць?
0
Анатоль Сідарэвіч / Адказаць
10.10.2013 / 12:55
1. Штогадовая свістапляска вакол Нобелеўскай прэміі найбольш яскрава сведчыць пра комплекс непаўнацэннасці калі не ўсіх, дык значнай часткі беларусаў. 2. Прысуджэнне Нобеля Святлане Алексіевіч было б палітычнай акцыяй, як гэта ўжо не раз бывала ў гісторыі гэтай прэміі. Хто-небудзь чытаў сачыненне Алексіевіч пра second hand? Дзеўка ужо каторае дзесяцігоддзе карыстаецца абкатанай схемай. Ужо адно гэта выклікае адмоўную рэакцыю. Твор – чыстае вады палітычная журналістыка. Да таго ж нецікавая, блытаная. Гэта не мастацка-навуковы аналіз (як у Салжаніцына “Архіпелаг”) і не вобразатворчасць. Даўно чытаў “У войны не женское лицо” – нічога не запомніў. Даўно чытаў “Дажыць да світання”, “Сотнікава”, “Знак бяды”, а вобразы Іваноўскага, Сотнікава і Рыбака, Петрака і Сцепаніды, братоў Ганчарыкаў, Гужоў, Карнілы памятаю. Быкаву прэміі не далі. Будзем спадзявацца, што не дадаць яе і Алексіевіч.
0
2ррррр / Адказаць
10.10.2013 / 13:13
Если бы Нобеля давали только тем, кого читают только в конкретной стране, то все эти годы премию получали бы Донцова, Маринина, Донцова, Маринина. Возможно, сделали бы скидку для Джоан Роулинг. А вклад Алексиевич в исследовавнии темы афганцев и чернобольцев неоценим! Если она победит, это будет серьезной занозой в попе режима, ибо Алексиевич не относится к прорежимным очковтирателям.
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру