16.10.2013 / 18:05

У Чыжоўцы на месцы крамы, якую мусяць здаць у лістападзе, пустка 5

У лістападзе 2013 на перасячэнні вуліц Галадзеда і Краснаслабодскай мусіў паўстаць новы гандлёвы аб’ект. Аднак, пакуль тут бачныя толькі гурбы пяску і будаўнічы плот з пашпартам аб’екта.

Гэты ўчастак мінскага мікрараёна Чыжоўка актыўна забудоўваецца ў рамках падрыхтоўкі да чэмпіянату свету па хакеі. Выглядае, што асноўныя сілы кінулі на пабудову лядовай арэны і рэканструкцыю вуліцы Ташкенцкай.

Зрэшты, тэмпы здачы асноўнага аб’екта мікрараёна — «Чыжоўка-Арэны» — таксама выклікаюць пытанні. 15 кастрычніка на нарадзе па падрыхтоўцы да ЧС па хакеі 2014 Лукашэнка раскрытыкаваў гарадскія ўлады.

«Вы мне тройчы абяцалі здаць аб'ект да 7 лістапада і не выканалі ўласныя абяцанні! Мы ж ужо пераносілі тэрміны! І выдумалі нейкія пускавыя комплексы! Гэта ваша права: вы можаце пускаць па трох, па пяці комплексах, але да 7 лістапада будаўнікі павінны адтуль пайсці», — заявіў тады Лукашэнка.

nn.by

0
мясцовы2 / Адказаць
16.10.2013 / 18:20
Хтосці ва ўладзе сапраўды спадзяваўся на байкот ды перанос ЧС па кахею ў другую краіну.
0
Ну-ну / Адказаць
16.10.2013 / 18:24
У іх у пашпарце аб'екта двойчы адна і і тая ж памылка праскочыла :)
0
STATiK / Адказаць
16.10.2013 / 18:57
2 Ну-ну Copy-Paste такі Copy-Paste...
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру