Грамадства3131

Севярынец: Маральны клімат у Беларусі зменяць цэрквы

Апазіцыя можа прыйсці да перамогі, толькі калі ў Беларусі будзе зменены маральны клімат, мяркуе сустаршыня аргкамітэта па стварэнні партыі «Беларуская хрысціянская дэмакратыя» Павел Севярынец.

«Наша стратэгічная задача — стварэнне маральнай базы для перамен. Гэта вельмі сур'ёзная рэч», — заявіў ён 20 кастрычніка ў Мінску журналістам.

Паводле слоў Севярынца, цяпер «сто тысяч чыноўнікаў прапаведуюць падман, страх, крадзеж як норму». «На гэтым пабудаваць нічога нельга, нават калі змяніць прэзідэнта і дэпутатаў. Таму нам трэба рыхтаваць мінімум сто тысяч сумленных прафесіяналаў, якія будуць гатовыя ўзяць адказнасць на сябе», — заявіў ён.

Севярынец мяркуе, што «ключавымі структурамі, арганізаванай супольнасцю, непадкантрольнай дзяржаве, у якой ёсць неабходная колькасць прафесіяналаў, з'яўляюцца цэрквы».

«Гэта супольнасць для нас — найважнейшая мэтавая група. Царква магла б змяніць маральны клімат у Беларусі. Апазіцыя сёння проста не можа вылучыць такую колькасць прафесіяналаў», — сказаў ён.

Палітык таксама паведаміў, што БХД гатова «выступіць аб'яднальнай сілай» у апазіцыі.

«Давайце аб'ядноўвацца, рабіць адзіную каманду і стратэгію, з дапамогай гэтага адзінства перамагаць», — сказаў ён.

Северынец зазначыў, што беларускія хрысціянскія дэмакраты на мінулых мясцовых выбарах правялі ў саветы трох чалавек. «Такія людзі, безумоўна, будуць і на гэтых выбарах. Але ва ўмовах фальсіфікацый проста немагчыма, каб усе, хто перамог у рэальнасці, атрымаў дэпутацкія мандаты. Таму тактыка БХД будзе такой: за тыдзень да выбараў мы аб'явім, што як палітычная сіла ў фальсіфікацыях браць удзел не можам і не будзем. Мы выбралі сваіх народных дэпутатаў, якія працуюць з людзьмі, яны будуць актыўна дзейнічаць у сваіх акругах. На гэты момант у нас гатовыя вылучацца кандыдатамі ў дэпутаты мясцовых саветаў прыкладна 200 чалавек», — паведаміў ён.

«Мэта нашых бліжэйшых дзеянняў — узмацненне і БХД, і ўсіх дэмакратычных сіл перад прэзідэнцкімі выбарамі 2015 года. Калі не рыхтавацца да 2014 года да кампаніі 2015 года, то затым усё праваліцца», — падкрэсліў Севярынец.

Каментары31

 
Націсканне кнопкі «Дадаць каментар» азначае згоду з рэкамендацыямі па абмеркаванні.

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Усе навіны →
Усе навіны

«Змагла развітацца па-людску». У Польшчы ў беларускі памёр муж — яна расказала, як даставіла прах на радзіму і арганізавала пахаванне

Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму11

Францыя вырашыла прызнаць Палесцінскую дзяржаву. Ізраіль заявіў, што гэта «ўзнагарода за тэрарызм»15

Каранавірус паскорыў старэнне мозгу нават у тых, хто не хварэў4

Мінскае «Дынама» без шанцаў прайграла албанскай «Эгнаціі»2

Тавары з «Пагоняй» прадавалі, нягледзячы на забароны11

Стала вядома, як рагачоўскі завод працуе на расійскую вайсковую прамысловасць5

Ва ўсім свеце перастаў працаваць Starlink

Гродзенскі «Нёман» перавярнуў гульню з «Кошыцамі», прайграючы 0:21

больш чытаных навін
больш лайканых навін

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Галоўнае
Усе навіны →

Заўвага:

 

 

 

 

Закрыць Паведаміць