Коммерсантъ
Генадзь Анішчанка сыходзіць з пасады кіраўніка Расспажыўнагляду ў сувязі са сканчэннем паўнамоцтваў, ведамства ўзначаліць яго намеснік Ганна Папова, паведамляе gazeta.ru.
Сам Анішчанка ад каментароў адмовіўся.
63-гадовы Генадзь Анішчанка запомніўся сваёй непрымірымай барацьбой са шкоднымі звычкамі насельніцтва Расіі і эпідэміямі, у тым ліку свіным і птушыным грыпам, а таксама гучнымі публічнымі заявамі.
Адной з такіх заяў стала фраза Анішчанка, якая прагучала ў эфіры адной з радыёстанцый — пра тое, што сам ён не хварэў ўжо некалькі дзясяткаў гадоў.
У гісторыю міжнародных адносін Анішчанка ўвойдзе дзякуючы забаронам на імпарт у Расію прадуктаў з іншых краін, у тым ліку грузінскага і малдаўскага віна, грузінскай мінеральнай вады, літоўскай малочнай прадукцыі, беларускай мяса-малочнай прадукцыі.
У адрас чыноўніка нярэдка выказваліся папрокі ў тым, што некаторыя абмежаванні Расспажыўнагляду, якім ён кіраваў амаль дзесяць гадоў, маглі мець хутчэй за знешнепалітычныя, чым санітарныя перадумовы, рэзюмуе Бі-Бі-Сі.
