28.10.2013 / 15:14

Шторм святога Юды ідзе на Усходнюю Еўропу: Пецярбургу пагражае паводка — фота 3

Хуткасць ветру дасягае 159 км/г

Паваленае дрэва ў Харнсі, на поўнач ад Лондана

Рынак у Лондане

Кран зваліўся на будынак урада ў Лондане.

З Заходняй Еўропы ў бок Паўночна-ўсходняй змяшчаецца шторм, названы ў гонар Святога Юды — гэты дзень адзначаецца сёння.

Сёння на поўдні Англіі 220 тыс. дамоў засталіся без святла, а два чалавекі загінулі:

на 17-гадовую дзяўчыну ў графстве Кент і 50-гадовага мужчыну ў Уотфардзе зваліліся дрэвы. Адменены часткова рух цягнікоў, а ў аэрапорце Хітраў — 130 рэйсаў.

Праз Тэмзу быў закрыты шэраг мастоў. Большасць ліній лонданскага метрапалітэна таксама працуе са збоямі, паведамляе Бі-Бі-Сі.

Самыя моцныя парывы ветру — 159 км/г — былі зарэгістраваныя на востраве Уайт. Сіла ветру перавысіла паказчыкі так званага Вялікага шторму лістапада 1987 г.

Небывалы шторм адчуваўся і ў самым цэнтры Лондана, дзе парывы ветру павалілі велізарны кран на дах сакратарыята кабінета міністраў на вуліцы Уайтхол.

У паўднёвым графстве Сасэкс ветрам выкарчавалf 125 дрэў.

Цяпер шторм гаспадарыць над Галандыяй.

Спецыялісты расійскага Гідраметэацэнтра папярэджваюць пецярбуржцаў аб магчымай паводцы 29 кастрычніка, паведамляе gazeta.ru

У Беларусі моцны парывісты вецер заўтра прагназуецца па поўначы краіны.

Хочаш падзяліцца важнай інфармацыяй ананімна і канфідэнцыйна?

Бі-Бі-Сі, фота The Telegraph

0
юда / Адказаць
28.10.2013 / 16:00
Не цячэ з краноў вада - Вінаваты тут Юда. Льецца з воблака вада - тут ужо святы Юда.
0
2юда / Адказаць
28.10.2013 / 17:46
А што вы хацелі, юдамэн? Бо адзін Юда - Іскарыёт, а другі Юда - Тадэвуш (Фадзей). То розныя-адрозныя Юды. Як дарэчы і два Лукі. Адзін Лука - евангеліст. Другі - саміведаеце што... Праз апошняга хутка таксама вада цячы ня будзе!
0
Алёна / Адказаць
28.10.2013 / 18:50
А мы пакутуем ад свайго юды, прауда, не сьвятога.
Каб пакінуць каментар, калі ласка, актывуйце JavaScript у наладах свайго браўзеру