29.10.2013 / 19:23

Улады ўдвая знізілі прагназаваны на 2014 рост прыбыткаў насельніцтва 8

Згодна з праектам прагнозу, рост даходаў складзе 3%. Раней урад закладваў на 2014 рост рэальных наяўных даходаў насельніцтва ў памеры 6%.

Рост рэальных наяўных даходаў насельніцтва складзе ў 2014 годзе 3%. Паводле інфармацыі БелаПАН, такая ацэнка прыводзіцца ў праекце прагнозу сацыяльна-эканамічнага развіцця, які падрыхтавалі эканамічныя ведамствы.

Нагадаем, у 2012 годзе рэальныя наяўныя грашовыя даходы (за вылікам падаткаў, збораў і ўзносаў, скарэкціраваныя на індэкс спажывецкіх цэн на тавары і паслугі) выраслі на 21,5%.

Паводле вынікаў 2013 года, згодна з ацэнкамі эканамічных улад, рэальныя наяўныя грашовыя даходы насельніцтва вырастуць на 17,6%.

У наступным годзе, згодна з праектам прагнозу, рост даходаў складзе 3%. Раней урад закладваў на наступны год рост рэальных наяўных даходаў насельніцтва ў памеры 6%.

Трэба адзначыць, што прадстаўнікі Міжнароднага валютнага фоду рэкамендуюць беларускім уладам знізіць тэмпы росту зарплат.

«Пагаршэнне плацежнага балансу выклікана ў тым ліку больш хуткім ростам зарплат і павелічэннем мэтавага крэдытавання.

Таму, каб вырашыць праблему, неабходна прымяняць комплексны падыход, які павінен нацэльвацца на жорсткае кіраванне ўнутраным попытам», — заявіў кіраўнік місіі МВФ у Беларусі Дэвід Хофман на прэс-канферэнцыі 28 кастрычніка.

Кіраўнік місіі фонду падкрэсліў, што адной з неабходных мер з'яўляецца абмежаванне даходаў насельніцтва. 

«У прыватнасці, на нашу думку, неабходна рэзка скараціць рост заработнай платы і мэтавага крэдытавання — двух галоўных фактараў узмацнення дысбалансаў. Акрамя таго, неабходныя дадатковыя меры па карэкціроўцы пагаршэння сальда дзяржаўнага бюджэту», — рэзюмаваў Хофман.

Як паведамлялася раней, рэальныя наяўныя грашовыя даходы насельніцтва ў студзені—жніўні 2013 года выраслі на 18,8% у параўнанні з аналагічным леташнім перыядам.

0
?! / Адказаць
29.10.2013 / 19:35
Ну и что ?! Ничего страшного не произойдёт и никто не похудеет. Хотя похудеть надо бы подаляющему большинству белорусов.
0
без усялякага падтэксту скажу я вам / Адказаць
29.10.2013 / 19:38
Якія даходы ў 3% на наступны год? Голая срака - вось што чакае шкварачнікаў. І яшчэ халодныя батарэі. І ня трэба ніякага падтэксту, як сёньня казаў лука(бога)мольцам асноўны здабытчык шчасьця для простых людзей Сасута. Кропка, тт. Мясьнік, Снапок, Пятруха, Надзька, Лідка, Наталка ды іншыя карытачнікі.
0
Кнехт / Адказаць
29.10.2013 / 20:02
ЦЯГНІК ДА ВІЛЬНА Калі адменяць той цягнік да Вільна - Бо пасажыраў досыць не набраць, - Тады і ўпэўнімся: жывем "стабільна" І нам не варта нешта "Там" мяняць. - Не будзе ездзіць з чым у іх да Вільна, Дык будуць "беларускае купляць"!
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру