Петрыкаўскі раённы аддзел Следчага камітэта праводзіць праверку па факце гібелі 19-гадовага жыхара Светлагорска.
Як паведаміла БелаПАН афіцыйны прадстаўнік УСК па Гомельскай вобласці Марыя Крываногава, малады чалавек загінуў 22 кастрычніка.
У той дзень прыблізна ў 16.30 ён знаходзіўся на новабудоўлі — малочна-таварнай ферме КСУП «Курыцічы» (Петрыкаўскі раён).
Пры будаўніцтве воданапорнай вежы з пад'ёмнага крана сарвалася металічная пляцоўка, якая смяротна траўмавала маладога чалавека, што стаяў унізе. Ён памёр на месцы здарэння.
Афіцыйна загінулы не быў працаўладкаваны, што ён рабіў на будаўніцтве і хто вінаваты ў яго гібелі, высвятляе райаддзел СК. Вядома, што малады чалавек вучыўся ў Беларускім дзяржаўным універсітэце транспарту, але летам 2013 года быў адлічаны з ВНУ.
