30.10.2013 / 19:04

Кандрусевіч: Забавы Хэлоўіну могуць прывесці да цяжкіх наступстваў 35

Перад урачыстасцю Усіх Святых і ўспамінам усіх памерлых вернікаў Мітрапаліт Мінска-Магілёўскі арцыбіскуп Тадэвуш Кандрусевіч нагадаў пра сутнасць гэтых дзён і пра важнасць малітвы за памерлых.

Між іншым Мітрапаліт выказаў стаўленне Каталіцкага Касцёла да Хэлоўіну, паведамляе сайт catholic.by.

«Практыка Хэлоўіну захоплівае ўсё больш і больш моладзі. Некаторыя думаюць, што гэта проста нейкая забава. Аднак гэтая «забава», у двукоссі, можа прывесці да цяжкіх наступстваў, — заўважае арцыпастыр. — Тут мы ўваходзім у сферу дзеяння духаў, а там злы дух, д’ябал, не спіць. І калі мы не молімся да Бога, мы молімся да д’ябла».

Кажучы пра ўрачыстасць Усіх Святых, Мітрапаліт адзначае: «Касцёл верыць, што ёсць шмат такіх, якія афіцыйна не аб’яўлены святымі або не беатыфікаваны, аднак на самой справе яны такімі з’яўляюцца, і аб гэтым таксама нагадвае наш здаровы розум.

Таму Касцёл успамінае ў гэты дзень усіх святых – вядомых і невядомых, тых, якія праслаўлены, і тых, якія гэтага праслаўлення яшчэ не дачакаліся або проста, можа, ніхто гэтай справай не займаецца, але яны з’яўляюцца святымі, яны знаходзяцца ў нябеснай славе, яны бачаць Бога тварам у твар».

Поўны запіс відэазвароту:

0
Яўген / Адказаць
30.10.2013 / 19:40
Дык я так і не зразумеў. Можна яго святкаваць ці не?
0
Paūła / Адказаць
30.10.2013 / 19:47
Možna chryścijanskaja śviata adznačać zamiest pahanskaha.
0
Valkyrja / Адказаць
30.10.2013 / 19:49
Яўген напiсаў(ла) 30 кастрычнiка 2013 у 19:40 Дык я так і не зразумеў. Можна яго святкаваць ці не? --- Як па-беларуску... Дыялог ангельцаў: - Раней гэту традыцыю падтрымлівалі, а потым царква забараніла... - Чаму? - Людзі вельмі радаваліся...
Паказаць усе каментары/ 35 /
Каб пакінуць каментар, калі ласка, актывуйце JavaScript у наладах свайго браўзеру