14.11.2013 / 14:16

Мінэканомікі: План па аб'ёме будаўніцтва жылля не выконваецца 1

Гадавы план па аб'ёме будаўніцтва жылля не выконваецца, гаворыцца ў аглядзе аб выніках сацыяльна-эканамічнага развіцця ў студзені—верасні, падрыхтаваным Міністэрствам эканомікі.

«У студзені—верасні ў эксплуатацыю ўведзена 3 млн. 747,6 тыс. квадратных метраў агульнай плошчы жылля, што складае 57,7% да ўстаноўленага гадавога задання. У параўнанні з аналагічным перыядам мінулага года ўвод жылля павялічыўся на 9,8%. Заданне па выніках студзеня—верасня 2013 года (75% ад гадавога задання) дасягнута толькі ў Мінску», — гаворыцца ў аглядзе.

Як паведамлялася раней, у 2012 годзе ў Беларусі было ўведзена ў эксплуатацыю 4,48 млн. квадратных метраў жылля. Афіцыйны прагноз прадугледжваў павелічэнне аб'ёму будаўніцтва жылля ў 2013 годзе да 6,5 млн. квадратных метраў.

Меркавалася, што на будаўніцтва жылля сёлета будзе накіравана 37,3 трлн. рублёў, прычым асноўнай крыніцай фінансавання жыллёвага будаўніцтва павінны былі стаць сродкі насельніцтва.

0
Аматар портэра / Адказаць
14.11.2013 / 15:46
Затое выконваецца план па будаунiцтву гасцiнец i арэны.
Каб пакінуць каментар, калі ласка, актывуйце JavaScript у наладах свайго браўзеру