14.11.2013 / 14:57

Рабочых МАЗа пераводзяць на чатырохдзёнку, скарачаюць заробак 9

У рэдакцыю «НН» ананімна паведамілі, што ад заўтрашняга дня (15 лістапада) і да канца года ўсе пятніцы на Мінскім аўтамабільным заводзе (МАЗ) абвешчаныя выходнымі днямі з аплатай 2/3 ад акладу.

Не закране скарачэнне заробкаў толькі супрацоўнікаў аўтобуснай вытворчасці.

Па каментар «НН» звярнулася на МАЗ. Памочнік гендырэктара МАЗ Аляксей Дзерашаў паведаміў, што «выніковае рашэнне яшчэ не прынятае» і павінна з'явіцца сёння ці заўтра.

Аднак крыніца «НН» на заводзе пацвердзіла, што пятніцамі да канца года рабочыя будуць атрымліваць зменшаны заробак.

«Мы яшчэ не бачылі загад — яго ўвогуле падрыхтавалі настолькі цішком, што мы не ведалі нічога да сённяшняй раніцы, — расказаў супрацоўнік прадпрыемства. — Але начальнік цэха сказаў, што пятніцы да 20 снежня ўключна будуць аплочвацца паводле тарыфу 2/3 ад акладу.

Больш за тое, 27, 30 і 31 снежня будуць адпачынкам за свой кошт.

І калі рабочыя будуць працаваць, дык некаторых вузкіх спецыялістаў папярэдзілі, што пятніцамі яны будуць працаваць па заявах. Напрыклад, трэба два чалавекі з усяго штату — ім аплацяць працоўны дзень цалкам, а ў астатніх выхадны.

Грузавікі не прадаюцца, аўтобусы не прадаюцца, няма камплектуючых — іх няма за што закупляць. Таму вымушаныя эканоміць».

Кірыла Хілько

0
Недаверлівы / Адказаць
14.11.2013 / 15:06
Па пятницах на Барысаўдрэу
0
румынский финиш / Адказаць
14.11.2013 / 15:09
время Ч близко)))))))))
0
Аматар портэра / Адказаць
14.11.2013 / 15:41
На усiх буйных прадпрыемствах Мiнска падобная сiтуацыя са збытам
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру