14.11.2013 / 22:41

Праваабаронца Андрэй Бандарэнка арыштаваны на пяць сутак 1

Дырэктар прыватнай культурна-асветніцкай установы «Платформ інавейшн» Андрэй Бандарэнка арыштаваны на пяць сутак, паведаміла яго намеснік Алена Красоўская-Каспяровіч. Рашэнне познім вечарам 14 лістапада вынес суд Маскоўскага раёна Мінска.

Раней у гэты ж дзень суд прыняў рашэнне аб вяртанні справы ва УУС Маскоўскага раёна для ліквідацыі недахопаў. Новы пратакол быў складзены прама ў будынку суда. Бандарэнка адмовіўся яго падпісаць і быў змешчаны ў камеру для адміністрацыйна затрыманых.

Андрэй Бандарэнка абвінавачваўся па ч. 1 арт. 23.34 КоАП (арганізацыя і правядзенне несанкцыянаванага мерапрыемства). Гаворка ідзе пра падзеі 14 верасня, калі ў Мінску было затрымана 18 чалавек. Яны збіраліся правесці хвіліну маўчання каля следчага ізалятара № 1 на вуліцы Валадарскага, дзе пры нявысветленых акалічнасцях памёр 21-гадовы мінчанін Ігар Пцічкін.

0
Буратино / Адказаць
15.11.2013 / 09:12
Что за "доработка" протоколов ? Это где такое в законодательстве позволено ? Протокол составляется на месте совершения. Да и сроки уже протокола истекли 2 месяца прошло. Кто судья? Фамилию в историю пособников!
Каб пакінуць каментар, калі ласка, актывуйце JavaScript у наладах свайго браўзеру