У Беларусі павінен быць уведзены ўтылізацыйны збор.
Такое меркаванне выказаў генеральны дырэктар холдынгу «БелГАЗаўтасэрвіс» Міхаіл Супруновіч.
«Гэта не толькі абарона рынкаў, але і рашэнне экалагічнай праблемы», - лічыць ён.
Паводле меркавання Супруновіча, велічыня збору павінна быць раўназначным той, якая дзейнічае ў Расіі. Для легкавікоў гэта каля $600, для грузавікоў і аўтобусаў - каля $4500.
«Будзе ўводзіцца утылізацыйны збор - на гэтую суму будзе ўзрастаць і цана аўтамабіля. Нікуды не дзенешся», - канстатаваў кіраўнік холдынгу.
Ідэю ўвядзяння ўтылізацыйнага збору ў Расіі пралабіравалі расійскія вытворцы. Нібыта клапоцячыся пра экалогію, яны перадусім адсвойваюць свае інтарэсы ў барацьбе з еўрапейскімі, азіяцкімі і амерыканскімі вытворцамі. Замежныя аўто даражэюць, значыцца, «лады» з «газэлямі» выглядаюць больш прывабна.
Увядзенне ўтылізацыйнага збору ў Беларусі прывядзе да прапарцыйнага падаражання на ўсіх сегментах аўтарынку.
