20.11.2013 / 18:08

Лявон Вольскі прадставіў плякат да фільму «Кастусь Каліноўскі» 6

У межах праекту «Тузін.Немаўля» музыка і мастак Лявон Вольскі прадставіў аўтарскі плякат да стужкі «Кастусь Каліноўскі», зьнятай у 1927 годзе, піша tuzin.fm.

«Гэта ненавукова-фантастычны вэстэрн. Толькі не спагеці-вэстэрн і ня бульба-муві, а гэткі льняны баявік. Усе паны кепскія, а сяляне добрыя.

Але стужка дыхае даўняй манахромнай цеплынёй  і добра глядзіцца», —с распавядае пра сваё стаўленьне да нямой стужкі  «Кастусь Каліноўскі» Лявон Вольскі.

Музыка з задавальненьем пагадзіўся ўдзельнічаць у праекце ў якасьці мастака. Ён кончыў Менскую мастацкую вучэльню імя Глебава (1984). У 1993 годзе меў пэрсанальную выставу ў музэі Багдановіча.

Маляваў коміксы ды ілюстрацыі для часопіса «Бярозка», газэт «Ніва» (Беласток) і «Наша Ніва». Аздобіў уласную кнігу прозы, некалькі музычных альбомаў. Працуе ў розных стылях і тэхніках.

Прэзэнтацыя плякату адбылася ў афіцыйнай суполцы праекту «Тузін.Немаўля» у Facebook. Тамсама свае працы прадставяць іншыя мастакі, якія стварылі аўтарскія плякаты да стужак «У агні народжаная» і «Прастытутка» — польскі творца Анджэй Ветэшка і Васіліса Паляніна-Календа.  

Аўтарскія плякаты аздобяць DVD-дыскі, якія выйдуць цягам месяца калекцыйным накладам.

0
Вашкевіч Андрэй / Адказаць
20.11.2013 / 19:48
Калі глядзеў той фільм то мімаволі злавіў сябе на думцы, што не такі гэта ўжо і казачны фільм. Міровіч па сцэнару якога фільм рабіўся, быў геніем,толькі мы мала яго ведаем.
0
zmicier / Адказаць
20.11.2013 / 20:23
Яму рукі адарвала?
0
husi / Адказаць
20.11.2013 / 22:11
Не, Zmicier, гэна рукі-фаерверкі.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру