21.11.2013 / 09:42

Плэер Winamp спыняе сваё існаванне 2

«Сайт Winamp.com і спадарожныя вэб-сэрвісы не будуць даступныя пасля 20 снежня 2013 года».

Акрамя таго, плэеры Winamp Media не будуць больш даступныя для запампоўкі. Калі ласка, запампуйце апошнюю версію да гэтай даты. Дзякуй за падтрымку супольнасці Winamp цягам больш чым 15 гадоў», — такре паведамленне сёння апублікаванае на сайце Winamp.com.

Такім чынам, версія Winamp 5.66 стане апошняй ва ўсіх сэнсах гэтага слова.

Слаўная гісторыя легендарнай праграмы на гэтым скончаная.

З артыкула The Men Who Stole the World 2010:

«У 1997 годзе Джасцін Франкель, 18-гадовы хакер з Арызоны, напісаў бясплатны mp3-плэер, названы WinAmp, які стаў абавязковай праграмай для камп’ютараў з Windows і дапамог рэвалюцыі лічбавай музыкі. За 18 месяцаў пасля рэлізу 15 мільёнаў чалавек спампавалі яго праграму.

Праз тры гады Франкель напісаў Gnutella, p2p-пратакол перадачы файлаў, дэцэнтралізаванай, у адрозненне ад Napster, такім чынам ён не мог быць адключаны прымусова. Мільёны да гэтага часу ім карыстаюцца.

Джасцін атрымаў прыбытак вельмі рана. У 1999, пасля таго як WinAmp стрэліў, AOL купіла плэер і кампанію Франкеля Nullsoft, прыблізна за 100 мільёнаў даляраў. Франкель стаў работнікам AOL, да таго ж вельмі багатым у свае 20 гадоў.

Гэта не стала добрым зліццём. Разам з Nullsoft Франкель павінен быў пісаць найлепшае праграмнае забеспячэнне, якое мог, і аддаваць яго ў пустэчу. У AOL гандаль праграмным забеспячэннем згубна адбіваўся на якасці прадукту. Франкель успамінае: «Тое, над чым я працаваў, было падобнае да спробаў атрымаць прыбытак ад кожнага прадукту. Мы ажыццяўляем угоду з гэтымі кампаніямі, таму прадукт павінен зарабляць. Але нікога не хвалявала меркаванне карыстальніка».

Тым часам Франкель пісаў Gnutella ў вольны час.

Гэта было выдатнай задумкай: у адрозненне ад Napster, сістэма была цалкам дэцэнтралізаванай, без галоўнага сервера і кнопкі «ВЫКЛ», якую маглі націснуць юрысты. Ён выклаў яе ў інтэрнэт у сакавіку 2000 з нататкай «Бачыце? AOL можа рабіць добрыя рэчы!» Але перавынаходніцтва Napster не прымусіла Франкеля палюбіць AOL, велізарную інтэрнэт-кампанію, якая спрабавала ўз'яднацца з Time Warner, якраз падчас судовага працэсу над Napster. Ён звольніўся ў 2004 годзе».

0
xyz / Адказаць
21.11.2013 / 10:38
Забыўся, калі апошні раз ужо ім карыстаўся. Але напачатку, сапраўды, была вельмі папулярная праграма.
0
Valkyrja / Адказаць
22.11.2013 / 03:40
Шыкоўны плэер - зручна, кампактна... Пакуль быў усталёван Віндаўз, карысталася ім і, на колькі помню, карысталася ўсімі функцыямі... Цяпер нейкая фігня стаіць, ніяк не замяню, таму што не вельмі патрэбна стала... Джасціну Франкелю "вялізны" рэспект за Вінамп... заслужыў мільёны... =))
Каб пакінуць каментар, калі ласка, актывуйце JavaScript у наладах свайго браўзеру