21.11.2013 / 16:44

МУС: За мяжой працуюць прыкладна 300 тысяч беларусаў 2

Як паведаміў на прэс-канферэнцыі 21 лістапада ў Мінску начальнік дэпартамента па грамадзянстве і міграцыі МУС Аляксей Бягун, такія лічбы заснаваны на навуковых даследаваннях, абследаваннях хатніх гаспадарак.

Дакладнай інфармацыі па гэтай праблематыцы няма, прызнаў ён.

«Калі гаварыць наогул пра лік грамадзян Беларусі, якія знаходзяцца за межамі краіны і ажыццяўляюць там працоўную дзейнасць, то мы гаворым, хутчэй за ўсё, пра лічбу ў 300 тысяч. Лічба вагаецца з-за прыблізнага аналізу», — сказаў прадстаўнік МУС.

Ён адзначыў, што, паводле меркавання кампетэнтных органаў Расіі, у гэтай краіне часовай працоўнай дзейнасцю займаюцца прыкладна 300 тысяч беларусаў. Паводле інфармацыі беларускага боку, гэта лічба значна ніжэйшая — каля 100 тысяч.

«Кампетэнтныя органы Беларусі крыху памяншаюць гэту лічбу і кажуць пра 100 тысяч беларусаў, якія на працягу года ажыццяўляюць у межах кароткатэрміновых ці доўгатэрміновых візітаў працоўную дзейнасць, якая аплачваецца, на тэрыторыі РФ», — заявіў Бягун.

«І беларусы ў Расіі, расіяне ў Беларусі, калі яны ажыццяўляюць легальную працоўную дзейнасць, працуюць па працоўных дагаворах, — не лічацца ў Беларусі беспрацоўнымі.

Яны лічацца занятымі, плацяць падаткі», — заявіў на прэс-канферэнцыі начальнік упраўлення палітыкі занятасці Міністэрства працы і сацыяльнай абароны Алег Такун.

0
говорите правду / Адказаць
21.11.2013 / 16:48
лукоВрушки.
0
Maks / Адказаць
21.11.2013 / 19:07
амаль адгадалі, але на мільён памыліліся https://fbcdn-sphotos-h-a.akamaihd.net/hphotos-ak-ash3/1378067_655596914459219_965945567_n.jpg
Каб пакінуць каментар, калі ласка, актывуйце JavaScript у наладах свайго браўзеру