Удзельнікі народнага веча «За еўрапейскую Украіну» патрабуюць ад прэзідэнта Віктара Януковіча адправіць у адстаўку ўрад Мікалая Азарава і падпісаць Пагадненне аб асацыяцыі з ЕС.
Пра гэта заявіў са сцэны на Еўрапейскай плошчы адзін з лідараў апазіцыі Арсеній Яцанюк.
«Мы патрабуем ад так званага ўрада і прэзідэнта адмяніць сваё рашэнне аб прыпыненні еўраінтэграцыі. І ў Вільні мы будзем пікетаваць Кабінет міністраў з патрабаваннем адмяніць гэтае антыеўрапейскае і антыўкраінскае рашэнне», — сказаў таксама палітык.
Акрамя таго, паводле яго слоў, удзельнікі сходу патрабуюць ад Януковіча паляцець на саміт у Вільню 28 лістапада і падпісаць Пагадненне аб асацыяцыі з Еўрасаюзам.
Яцэнюк таксама паведаміў, што прадстаўнікі ўкраінскай апазіцыі 27 лістапада збіраюцца паляцець у Вільню і перадаць просьбу, «каб Еўропа пакінула адчыненыя дзверы для ўкраінскай дзяржавы, якая зойме годнае месца ў Еўрапейскім Саюзе».
«Сёння на Еўрапейскай плошчы мы пачалі збор подпісаў мільёнаў украінцаў са зваротам да ЕС: прыміце Украіну, мы як украінскі народ таго заслугоўваем», — паведаміў палітык.
Паводле яго слоў, удзельнікі сходу таксама звяртаюцца да еўрапейскіх партнёраў Украіны з просьбай адмяніць візавы рэжым:
«Мы хочам, каб кожны ўкраінец меў права бязвізава ездзіць у Еўропу. Адчыніце межы, і гэта будзе рэальны крок да еўрапейскай інтэграцыі».
