25.11.2013 / 20:26

Новая эмблема клуба «Маладзечна» − толькі на беларускай мове! 3

На новай эмблеме футбольнага клуба «Маладзечна», якую ствараюць заўзятары на беларускай мове, будзе ўказаны год заснавання клуба − 1949. 

Пытанні наконт новай эмблемы мы задалі чалавеку, які працуе над яе змяненнем, удзельніку ультрас-групы Арцёму.

− Ці праўда тое, што новая эмблема клуба будзе на беларускай мове?

− Фанацкі сектар вырашыў так. Эмблема павінна быць на беларускай мове.

− Вядома, што ў дырэктара клуба на гэты конт іншае меркаванне.

− Мы паважаем і яго выбар таксама. Мяркуем, што напярэдадні сезона мы ўсё ж такі правядзём галасаванне, на якой мове павінна быць эмблема. Хочацца, каб на гэтую тэму выказаліся тыя, каму насамрэч неабыякавы лёс маладзечанскага футбола. І каб меркаванні гэтыя былі падмацаваныя нейкімі аргументамі.

− Дзе і калі з’явіцца галасаванне?

− Давайце спачатку дачакаемся, што будзе з клубам. Як і ў мінулы год, міжсезонне пройдзе ў хваляваннях: ці будзе ж існаваць каманда?

− Эмблема зменіцца кардынальна?

− Не. Ніхто ў гэтым незацікаўлены. Эмблема маладзечанцаў мае сваю гісторыю, яна добра вядомая ўсім аматарам футбола, таму змяняць яе кардынальна няма сэнсу. Адзінае, што зменіцца: колеравае рашэнне будзе больш яскравым і замест літар «МП» на эмблеме з’явіцца год заснавання каманды − 1949.

0
Даша / Адказаць
25.11.2013 / 20:48
Занадта мяккая рэакцыя ў такога цудоўнага фанацкага сектару на словы гэтага... мммм... ды-рэк-та-ра... Занадта тактоўна і далікатна выказаўся Арцём.
0
Максим Дизайнер 2 Автору знака / Адказаць
26.11.2013 / 09:27
Артем, обязательно поменяй шрифт. Посмотри эмблемы западных клубов. То, что сейчас - шрифт для газет, а не эмблемы.
0
Traven / Адказаць
02.12.2013 / 16:29
У клубаў англійскай прэм'ер-лігі ніводнай эмблемы на французскай мове. Дык чаму эмблема ФК "Маладзечна" можа быць на расейскай?
Каб пакінуць каментар, калі ласка, актывуйце JavaScript у наладах свайго браўзеру