27.11.2013 / 17:57

Дварковіч: у 2013 Расія паставіць у Беларусь толькі 20 мільёнаў тон нафты, а ў 2014 пабачым 2

Расія ў 2013 годзе паставіць у Беларусь да 20 мільёнаў тон нафты, заявіў журналістам віцэ-прэм'ер РФ Аркадзь Дварковіч, паведамляе агенцтва «Прайм».

«Гэта значыць, трошкі вышэй, чым была наша першапачатковая пазіцыя — 18,5 мільёнаў тон, але ніжэй, чым быў запыт у беларускага боку — 23 мільёны тон», — сказаў ён.

У 2013 годзе Беларусь разлічвала атрымаць з Расіі 23 мільёны тон нафты, і першыя тры кварталы пастаўкі ўзгадняліся ў аб'ёме 5,75 мільёнаў тон, што адпавядае таму гадавому аб'ёму.

Праблема паўстала з балансам на чацвёрты квартал — пасля затрымання ў канцы жніўня ў Мінску гендырэктара «Уралкалія» Уладзіслава Баўмгертнера.

Расія ўспомніла пра сваю гатоўнасць паставіць за год толькі 18,5 мільёнаў тон. У Мінэнерга «Прайм» паведамлялі, што пастаўкі за кастрычнік-снежань могуць скласці 3,1 мільёна тон.

0
Ёпрст / Адказаць
27.11.2013 / 20:01
А тут свіньню Рыгоравічу падкладае Януковіч, зараз адкусіць з расейскіх грошай ягоную долю
0
глядач / Адказаць
27.11.2013 / 20:14
Ну і што, што аб'ём нафты страцілі. Затое нехта паказаў, што ў яго ёсьць яйкі. Вось сьмелы і кастрацыі нават не баіцца.
Каб пакінуць каментар, калі ласка, актывуйце JavaScript у наладах свайго браўзеру