У сераду Раян Гігз згуляў у матчы Лігі чэмпіёнаў супраць «Баера», AP
Сёння споўнілася 40 гадоў паўабаронцу «Манчэстар Юнайтэд» Раяну Гігзу. Усё сваё жыццё, ад 1990 года (23 гады!), ён выступае за «МанЮнайтэд» (ён таксама гуляючы трэнер).
Вось і ў сераду ў матчы Лігі чэмпіёнаў супраць «Баера», у якім брытанскі клуб у гасцях разграміў суперніка з лікам 0:5, ён выйшаў на поле і аддаў галявы пас Нані.
У складзе МЮ Гігз 13 разоў выйграваў англійскую прэм'ер-лігу, чатыры разы Кубак Англіі, чатыры — Кубак лігі, двойчы Лігу чэмпіёнаў ды сабраў іншыя тытулы, а за выдатныя дасягненні ён узнагароджаны Ордэнам Брытанскай імперыі.
Шкада толькі, што ў складзе зборнай Уэльса не было прыкметных вынікаў.
