29.11.2013 / 14:07

Мінгарвыканкам абяцае вырашыць пытанні з перабоямі малака ў сталіцы 3

Найбліжэйшым часам асартымент малака ў гандлёвых арганізацыях горада будзе адноўлены, запэўнілі ў Мінгарвыканкаме.

Паводле інфармацыі галоўнага ўпраўлення спажывецкага рынку Мінгарвыканкама, 27 лістапада была праведзена нарада ў Міністэрстве сельскай гаспадаркі і харчавання з удзелам старшыняў камітэтаў па сельскай гаспадарцы і харчаванні аблвыканкамаў, гарадскіх малочных заводаў. Вызначаны канкрэтныя меры па ўрэгуляванні сітуацыі.

29 лістапада пастаўшчыкамі адгружана ў гандлёвую сетку горада 314 тон малака пры наяўным у гэты перыяд часу аб'ёме 270 тон.

Варта адзначыць, што ў магазінах Мінска апошнімі днямі назіраецца скарачэнне асартыменту малака, а таксама перабоі з пастаўкамі малочнай прадукцыі. Эксперты звязваюць гэтую сітуацыю з павелічэннем аб'ёмаў паставак на экспарт. 

Паводле звестак Мінсельгасхарча, за студзень—чэрвень 2013 года Беларусь ад экспарту 1,8 млн. тон малака і малакапрадуктаў атрымала больш за 1 млрд. долараў ЗША валютнай выручкі. Экспарт малака і малакапрадуктаў з Беларусі складае 38% ад экспарту сельскагаспадарчай прадукцыі і харчавання.

Асноўным гандлёвым партнёрам з'яўляецца Расія, на гэты рынак пастаўляецца больш за 95% малака і малакапрадуктаў. За шэсць месяцаў у РФ, паводле звестак Белстата, экспартавана 1,7 млн. тон малака і малакапрадуктаў, рост экспарту склаў 122,1%

0
ужэ так была! / Адказаць
29.11.2013 / 14:55
Хто та апяць узяўся за яйцы.
0
Палясоўшчык / Адказаць
29.11.2013 / 17:10
Не хапае малака ? Трэба падаіць - быка !
0
Руский обыватель / Адказаць
30.11.2013 / 14:50
Путин оказывает гуманитарную помощь Сирии и среди прочего - 180 000 тонн сухого молока, а на тонну сухого молока идет двадцать тонн свежего. Поэтому в России цены на молоко уже взлетели несмотря на массированный завоз молока в Россию из стран-сателлитов.
Каб пакінуць каментар, калі ласка, актывуйце JavaScript у наладах свайго браўзеру