29.11.2013 / 18:53

Прэйгерман: «Улады не столькі хочуць спрасціць візавы рэжым, колькі стварыць нейкі парадак дня ў адносінах Беларусі і ЕС» 7

Дырэктар па даследаваннях «Ліберальнага клуба» Яўген Прэйгерман пракаментаваў заяву Уладзіміра Макея:

«Заява міністра звязана не столькі з тым, што беларускія ўлады сапраўды лічаць, што настаў час спрасціць візавы рэжым з ЕС, колькі з жаданнем стварыць нейкі парадак дня ў адносінах Беларусі і ЕС.

Сёння такі парадак дня фактычна адсутнічае. Нават калі будзе вырашана пытанне палітвязняў, без чаго ЕС не гатовы актывізаваць адносіны з Мінскам, не зусім зразумела, пра што менавіта будзе дыялог і што дасць магчымасць вывесці яго на змястоўны ўзровень.

У гэтых адносінах крок Макея можна ацаніць як рацыянальны і разумны. Пасля віленскага саміту «Усходняе партнёрства» уступае ў перыяд стратэгічнай нявызначанасці.

Пасля правалу падпісання Пагаднення аб асацыяцыі з Украінай еўрапейскім палітыкам і чыноўнікам трэба як мага больш нейкіх бачных вынікаў гэтай ініцыятывы. Візавая тэма як раз адказвае крытэру важнасці для інстытутаў ЕС і беларускага трэцяга сектара, а таксама з'яўляецца прымальнай дыскусійнай тэмай для беларускіх уладаў.

У той жа час наўрад ці можна чакаць хуткага вырашэння гэтага пытання нават пры «канструктыўным настроі» з боку Еўрапейскага саюза. Акрамя традыцыйнай палітычнай боязі, візавае пытанне сёння мае і эканамічнае вымярэнне для Беларусі:

праблема актыўнага шопінг-турызму беларускіх грамадзян у Польшчы і Літве, а таксама адток працоўнай сілы з Беларусі. Спрашчэнне візавага рэжыму з ЕС здольна яшчэ больш абвастрыць гэтыя праблемы.

Таму, па ўсёй бачнасці, візавай тэме быць доўгаіграючай на парадку дня Беларусі і ЕС».

0
гарадзенец / Адказаць
29.11.2013 / 20:26
Так і знаў, што гэта ўсё пустышка. Ніякіх зменаў ня будзе. Прыйдзецца па 60 эўра браць візу на закупы. Ўсё роўна адаб'ецца. Не за адзін раз, так за два.
0
LMI / Адказаць
29.11.2013 / 21:56
Зьмены магчымы у пытаньні віз. На гэтым настойвае і Захад, а галоўнае на гэтым настойвае жыцьце, якое ідзе наперад незалежна ад жаданьня Лукашенкі з Макеем. Тое што гэта чарговая пляцоўка для балбатні лукашенкаўскага рэжыма - зразумела. Але калі суседнія краіны прасунуцца ў гэтым пытаньні далека наперад беларусы, на вялікі жаль, проста пачнуць разбягацца з краіны - хто ў Расею, хто ў Украіну, хто куды....вось тады упарты баран ЛуКоля пачне варушыцца.
0
Злюка / Адказаць
30.11.2013 / 08:48
http://avmalgin.livejournal.com/4178296.html а так -в РФ
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру