29.11.2013 / 21:00

Кіеў пратэстуе, патрабуючы адстаўкі Януковіча 14

А 20-й на Еўрамайдане ў Кіеве пачалося народнае веча. Мітынгоўцы незадаволеныя адмовай прэзідэнта Віктара Януковіча падпісаць у Вільні Дамову аб асацыяцыі з ЕС.

Еўрамайдан напачатку засвістаў выступленне экс-міністра ўнутраных спраў Юрыя Луцэнкі. Гэта адбылося пасля таго, як Луцэнка сказаў з трыбуны, што трэба патрабаваць ад Януковіча падпісаць Пагадненне аб асацыяцыі з Еўрасаюзам пасля 15 сакавіка.

Пасля выступу Луцэнкі студэнты пачалі скандаваць: «Рэвалюцыя!».

Спявачка Руслана зачытала рэзалюцыю Еўрамайдана:

«Мы канстатуем, што Януковіч, да якога з еўрамайданаў звярталіся сотні тысяч людзей, замест таго, каб весці Украіну ў еўрапейскую будучыню, паварочвае Украіну ў мінулае. Мы сіла, якая прымусіць лічыцца з намі ўсіх».

«Мы прапануем сфармаваць каардынацыйную раду Еўрамайдана, каб забяспечыць дыялог паміж украінскай грамадзянскай супольнасцю і еўрапейскай супольнасцю.

Мы патрабуем адстаўкі прэзідэнта Януковіча».

З выступу лідара фракцыі «Бацькаўшчына» Арсенія Яцэнюка:

«У нас ёсць мэта падпісаць пагадненне з ЕС і выканаць яе, каб зрабіць Украіну еўрапейскай дзяржавай.

На шляху гэтай мэты ў нас стаіць адна з самых вялікіх праблем — гэта Віктар Януковіч. Хто сёння выйграў? Выйграў Уладзімір Пуцін.

Мы будзем праводзіць масавыя акцыі пратэсту па ўсёй Украіне».

Апазіцыйныя сілы зробяць усё, каб аб'яднацца і перамагчы на прэзідэнцкіх выбарах 2015 года. Пра гэта заявіў лідар партыі «УДАР» Віталь Клічко.

Ён заявіў, што не падпісаўшы пагадненне аб асацыяцыі з ЕС, ўкраінская ўлада «скрала надзею» на перамогу над карупцыяй і дасягненні еўрастандартаў.

«Еўраінтэграцыя прапісана ў законе Украіны. І зрыў падпісання Пагаднення аб асацыяцыі — гэта дзяржаўная здрада», — заявіў Клічко.

Еўрамайдан прымае рэзалюцыю правесці 1 снежня ў Кіеве народнае веча.

таксама патрабуецца адстаўка Віктара Януковіча і старшыні ўрада Мікалая Азарава

0
Евгений Максимович / Адказаць
29.11.2013 / 21:36
Да не подпишет ничего Янукович, бесполезно от него это требовать и на что-то сподзяваться. Путин ему пообещал второй срок. А выборы вы проиграете, потому что их подтасуют. А революция приведёт к развалу Украины на 2 части. Одна часть присоединиться к Евросоюзу и НАТО, вторая к России. Но оно может так и лучше. В конце концов хоть Западная Украина вырвется из коммуносталинской ямы. А кацапоалкаши пусть присоединяются туда куда и хотели.
0
міроша / Адказаць
29.11.2013 / 22:12
дурік ты Евгеній Максімовіч
0
Юрась Беларус / Адказаць
29.11.2013 / 22:18
Яшчэ трэба і ўвесь урад у адстаўку адправіць. Асабліва я пераканаўся ў праваце гэтых патрабаванняў, калі спачатку спадар Азараў, а потым І п - рэзідэнт Януковіч паставілі перад Еўрасаюзам не проста невыканальнае, але і проста незаконнае патрабаванне да Еўрасаюзу патрабаванне зняць супярэчнасці паміж Украінай і Расіяй. Гэта здзек над Еўрасаюзам і еўрапейскім выбарам украінскага народа. Гэтым людзям, як мінімум, не месца ва ўкраінскай палітыцы. Якім чынам гэтага дабіцца? Можна "маненька пачакаць", як чакаюць немаведама чаго беларусы, а можна вырашаць пытанне кардынальным спосабам. Я асабіста - за кардынальнае рашэнне, бо лічу, што, калі гэты момант будзе прапушчаны, дабіцца еўраінтэграцыі ўкраінскі народ зможа толькі праз дзесяткі гадоў.
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру