01.12.2013 / 13:20

Міністр унутраных спраў выбачыўся перад украінцамі за разгон Майдана, начальнік кіеўскай міліцыі падаў у адстаўку 6

mva.gov.ua

Начальнік Кіеўскай міліцыі Валерый Карак папрасіў адстаўку ў сувязі з падзеямі на Майдане Незалежнасці у Кіеве ў ноч на 30 лістапада.

Пра гэта было абвешчана на калегіі ў Міністэрстве ўнутраных спраў. Адстаўка пакуль задаволеная не была, яго адхілілі на час правядзення службовага расследавання.

Па заканчэнні калегіі міністр Віталь Захарчанка паведаміў, што в.а. начальніка кіеўскай міліцыі прызначаны Валерый Мазан, які ўзначальвае абласную міліцыю.

Таксама Віталь Захарчанка выбачыўся перад грамадзянамі за дзеянні «Беркута» пры разгоне Еўрамайдана ў ноч на 30 лістапада.

Аб гэтым ён заявіў сёння на калегіі МУС па падзеях на Майдане Незалежнасці.

«Я хацеў бы ад сябе асабіста і членаў калегіі прынесці прабачэнні за празмернае прымяненне сілы супрацоўнікамі міліцыі ў дачыненні да ўдзельнікаў акцыі. Я хацеў бы запэўніць, што дзеянні міліцыі выходзілі за межы забеспячэння грамадскага парадку», - сказаў Захарчанка.

Акрамя таго Захарчанка заклікаў удзельнікаў масавых акцый за еўраінтэграцыю Украіны не паддавацца на правакацыі і не парушаць правапарадак.

«Звяртаюся да грамадзян — не паддавайцеся на правакацыі, будзьце пільнымі і талерантнымі. Заклікаю ўсіх дзейнічаць у прававым полі», — сказаў Захарчанка.

Разам з тым ён абяцае, што міліцыя будзе жорстка рэагаваць на заклікі да здзяйснення масавых беспарадкаў.

0
Сьмерць Сьмердам / Адказаць
01.12.2013 / 13:27
Во дзе людзі сумленныя ва ўладзе і прыўладзьдзі: абасраўся, дык сам ідзе штаны замываць. А наш будзе сядзець з чэснай мінай, пакуль тая не замёрзне. Ну і жыць жа затое застанецца, калі лафа скончыцца.
0
ха-ха! / Адказаць
01.12.2013 / 13:27
Ну, гэта ж не барсук яўсеявіч падабед..
0
Юрась Беларус / Адказаць
01.12.2013 / 13:32
Вялікі дзякуй гэтаму чэснаму чалавеку, які адказаўся выконваць азараўскі прыказ і азараўскае рашэнне суда і не павёў сваіх людзей супраць свайго народа.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру