04.12.2013 / 19:30

Дровы для рэвалюцыі, будаўнічыя каскі і барыкады — фота і відэа «НН» з Кіева Абнаўляецца. 2

Дровы для рэвалюцыі.

Барыкады на Хрышчаціку.

Сёння пратэстоўцам пачалі актыўна раздаваць каскі — на Еўрамайдане рыхтуюцца да магчымага сілавога разгону.

За ноч барыкады на Майдане значна выраслі.

Жанчына папраўляе налепкі, з якіх складзены надпіс.

Барыкада на Хрышчаціку. 

Пратэстоўцы, якія заблакавалі канцылярыю Азарава на Інстытуцкай. Адзін з іх стаіць на кавалку пенапласту, каб не марозіць ногі.

Барыкады на Інстытуцкай.

Студэнт гістарычнага факультэта Кіеўскага нацыянальнага ўніверсітэта пікетуе на вуліцы.

Міліцыянты кругласуткава дзяжураць перад Адміністрацыяй прэзідэнта. Сам Януковіч гэтымі днямі знаходзяцца з візітам у Кітаі.

Апазіцыя таксама заблакавала вуліцу Банкавую, каб супрацоўнікі Адміністрацыі Януковіча не маглі даехаць да працы. 

Шлях да Вярхоўнай Рады заблакаваны пратэстоўцамі і байцамі «Беркута».

Псіхалагічны ціск на «Беркут»: насупраць блакаванай Адміністрацыі прэзідэнта апазіцыя паставіла аўтамабіль з гукаўзмацняльнай апаратурай і абвесціла прынцып «вольнага мікрафона» — пратэстоўцы проста выказвалі ўсё, што думаюць аб сілавіках і заклікалі «міліцыю быць з народам».

Адбылася яшчэ большая дэцэнтралізацыя пратэстаў: з Майдана Незалежнасці яны перамясціліся на большую тэрыторыю. Цяпер людзі пастаянна ходзяць пікетаваць Адміністрацыю прэзідэнта, Кабінет міністраў і Вярхоўную Раду.

Самотны бел-чырвона-белы сцяг на Еўрамайдане.

На Еўрамайдане значна пабольшала намётаў. 

Актывісты на Майдане гуляюць у «Твістэр» у масках палітыкаў. Яны заяўляюць, што і ўрад, і апазіцыя пераследуюць адныя і тыя ж асабістыя мэты, і трэба перадаць уладу народу Украіны 

Ва Украіне працягваюцца акцыі пратэсту супраць адмовы падпісаць пагадненне аб еўраінтэграцыі з ЕС.

Цэнтрам пратэстаў зноў стаў Майдан Незалежнасці. Рэпартаж з месцаў падзеяў вядуць карэспандэнты «НН».

Прапануем новы фотарэпартаж Кірылы Хілька, а таксама невялікі відэасюжэт Ганны Бадзяка і Ірыны Арахоўскай.

Мы выйшлі нагадаць, хто прымае рашэнні: Еўрамайдан знутры — рэпартаж «Нашай Нівы»

0
віКніК / Адказаць
04.12.2013 / 20:11
малайцы, браты! не дазволім ператварыць Майдан у Майданек!
0
Valkyrja / Адказаць
05.12.2013 / 10:17
Далучаюся да лозунга: Счастливого Пути на... --- Павага кіеўлянам!
Каб пакінуць каментар, калі ласка, актывуйце JavaScript у наладах свайго браўзеру