БАТЭ пачынаў сезон драматычнай гульнёй з мінскім «Дынама». На нейтральным полі ў Жодзіна. Фаны барысаўцаў лічаць свой клуб «вялікім і магутным».
Так фанаты БАТЭ паправажалі ў Краснадар свайго галоўнага трэнера Віктара Ганчарэнку. Кранальна, праўда?
Гэта ўжо гульня з салігорскім «Шахцёрам». У тым матчы барысаўцы маглі стаць чэмпіёнам, але нічыя 2:2. «Апошні штрых» перанеслі на наступную гульню.
Гэта ўжо фанаты «Белшыны». На «магілёўскім» дэрбі з «Дняпром». Колеры вобласці сёлета сапраўды былі чырвона-чорнымі, бо «Белшына» глядзелася лепш за «Дняпро».
Берасцейскія фанаты радыя, што іх клубу вернутае назва «Дынама».
«Часткі аднаго цэлага» – такі банер быў вывешаны на гульні мінскіх і брэсцкіх «дынамаўцаў».
Фаны мінскага «Дынама» ў Кубку Беларусі зрабілі яркі перфоманс. «Нам патрэбны толькі ён» – гэта пра Кубак. Праўда, тытул усё ж здабыў «Мінск».
Традыцыйная расцяжка «Дынама Менск».
Прыгожая акцыя ад фанатаў «Гомеля». «Зялёна-белыя – колеры сэрца, колеры жыцця».
«Усё альбо нічога». Так пісалі фанаты «Мінска» падчас фінал Кубка Беларусі. Іх клуб іх не расчараваў.
Фанаты «Нафтана» парадавалі ўжо ў першым туры чэмпіяната. Праўда, працягу не было.
Аптымістычныя фанаты гродзенскага «Нёмана».
Зноў гродзенцы. З больш традыцыйным банерам.
«Час быць першым». Такі кліч сваім футбалістам адрасавалі фаны «Шахцёра», але салігорцы зноў другія.
«Гаспадары Палесся». На жаль, мазырская «Славія» вылецела з вышэйшай лігі.
Жодзінскія «тарпедаўцы» зноў былі самымі беларускамоўнымі. Першы тур. Праход па Мінску.
Гэтаму банеру ўжо шмат гадоў. Але ўсё адно рэспект!
А гэтыя банеры жодзінскія хлопцы адрасавалі сваім футбалістам.
Футбольны сезон амаль скончыўся. Засталося яшчэ згуляць адзін матч — за права застацца ў вышэйшай лізе пазмагаюцца «Дняпро» і «Гарадзея». «Наша Ніва» прапануе галерэю з самымі прыгожымі беларускамоўнымі банерамі фанатаў клубаў вышэйшай лігі. Варта зазначыць, што сёлета амаль у кожнага руху былі белмоўныя расцяжкі.
Пры падрыхтоўцы галерэі скарыстаныя здымкі з сайта belultras.by.
