06.12.2013 / 19:29

Нацбанк патлумачыў прычыны скарачэння ЗВР 1

Нацыянальны банк Беларусі растлумачыў прычыны скарачэння золатавалютных рэзерваў у лістападзе 2013 года.

За мінулы месяц аб'ём беларускіх ЗВР па методыцы разліку МВФ скараціўся на 355,5 млн. долараў і склаў 6 млрд. 465,2 млн. долараў ЗША.

У нацыянальным вызначэнні аб'ём золатавалютных рэзерваў скараціўся на 444,5 млн. долараў ЗША і на 1 снежня склаў 7 млрд. 48,8 млн. долараў у эквіваленце.

«Скарачэнне аб'ёму золатавалютных рэзерваў абумоўленае зніжэннем цаны на золата на міжнародным рынку каштоўных металаў, а таксама пагашэннем знешніх і ўнутраных абавязацельстваў у замежнай валюце Нацыянальным банкам і ўрадам Рэспублікі Беларусь, якія ў лістападзе гэтага года былі выкананыя ў поўным аб'ёме», — гаворыцца ў паведамленні прэс-службы Нацбанка.

Зазначаецца таксама, што падтрыманню аб'ёму золатавалютных рэзерваў садзейнічала размяшчэнне валютных аблігацый Міністэрства фінансаў Беларусі на ўнутраным рынку краіны.

0
натураліст / Адказаць
06.12.2013 / 20:01
Надзя, купляй новыя туфлі фабрыкі "Нёман" і ідзі ў сьвет. А то Лука зробіць з цябе тое, што зрабіў з Батуры. І што мо зробіць зь СяМашкі... Нават бог так не зьдекваўся з чарапахі...
Каб пакінуць каментар, калі ласка, актывуйце JavaScript у наладах свайго браўзеру