03.10.2007 / 10:52

Пад Баранавічамі злавілі румынскіх махляроў 2

На абочыне стаялі "БМВ"...

Наш чалавек ехаў па аўтамагістралі Брэст—Мінск і пад Баранавічамі ўбачыў "БМВ" з румынскімі нумарамі. Машына стаяла з паднятым капотам на абочыне. Невядомы ўзмахам рукі папрасіў спыніцца, і наш чалавек гэта зрабіў.

Румын паскардзіўся, што ў яго закончыўся бензін, але пачуўшы, што наш ездзіць на дызпаліве, асабліва не засмуціўся, а працягваў плакацца наконт грошай. Маўляў, у кішэні толькі румынскія ліры ды яшчэ залаты пярсцёнак, які ён прадаў бы па самай нізкай цане.

Наш чалавек паглядзеў на масіўны пярсцёнак-пячатку, патрымаў яе ў руках, адзначыў, што ён ужо крыху пацёрты, а значыць сапраўдны, бо ношаны, і заплаціў румыну 65 долараў. Праз некалькі кіламетраў мужчына ўбачыў яшчэ адну аўтамашыну з паднятым капотам, але на другім баку аўтамагістралі. Такі ж "БМВ" з румынскімі нумарамі стаяў на абочыне і пры ім галасаваў мужык.

Гэты факт устрывожыў нашага і ён патэлефанаваў знаёмаму. Той выслухаў і сказаў, што таксама купіў у румынаў такі ж пярсцёнак... За справу ўзялася міліцыя, і ў грамадзян з румынскімі пашпартамі канфіскавалі цэлую торбу (685 штук) фальшывых пярсцёнкаў. Махінатары з Румыніі быццам бы ехалі ў Маскву, але па дарозе вырашылі збыць "залаты тавар" і нашым людзям. А яны аказаліся пільнымі... выпадкова.

0
B O R A T / Адказаць
03.10.2007 / 16:17
Nashy!
0
Павал / Адказаць
04.10.2007 / 10:00
Я гэту румынска-цыганскую банду бачыу пад Кобрынам 2 гады таму.Але я ужо тады ведау пра гэта махлярства(прауда там была машына з армянскiмi нумарамi),прачытау у сецiве.Думаю за 2 гады багата пярсценкау апынулася у руках нашага брата.
Каб пакінуць каментар, калі ласка, актывуйце JavaScript у наладах свайго браўзеру