Аўстрыя бачыць у аб’яднаных дэмакратычных сілах Беларусі рэальнага партнера і як, краіна, якая старшынюе сёлета ў Еўрасаюзе, будзе падтрымліваць аб’яднаныя дэмакратычныя сілы ў міжнародных дыпламатычных колах.

Такой дамовы дасягнулі лідэр беларускай апазіцыі Аляксандр Мілінкевіч і кіраўнік аўстрыйскага парламенту Андрэас Коль падчас сённяшняй сустрэчы ў Вене.

– Аўстрыя дала адназначную ацэнку выбарам у Беларусі. Мы абмяркоўвалі канкрэтныя крокі ў супрацоўніцтве Аўстрыі з грамадзянскай супольнасцю Беларусі. Аўстрыя лічыць неабходнай неадкладную падтрымку рэпрэсаваным і палітзняволеным у Беларусі, - сказаў пасля сустрэчы Аляксандр Мілінкевіч.

Нагадаем, што сёння Аляксандр Мілінкевіч знаходзіцца з афіцыным візітам у Вене. У гэтыя хвіліны адбываецца яго сустрэча з канцлерам Аўстрыі Вольфгангам Шуссэлем.

milinkevich.org