03.10.2007 / 14:42

Найвышэйшую ўзнагароду батаніка атрымаў беларус 1

Найвышэйшую ўзнагароду Эўропы за ўнёсак у ахову расьлін атрымаў мянчук Алег Маслоўскі. Апроч яго, такой узнагародай валодаюць усяго 12 чалавек у сьвеце.

Найвышэйшую ўзнагароду Эўропы за ўнёсак у ахову расьлін атрымаў мянчук Алег Маслоўскі. Апроч яго, такой узнагародай валодаюць усяго 12 чалавек у сьвеце.

Узнагароджаньне адбылося пры канцы верасьня на 5‑й міжнароднай канфэрэнцыі «Плянэта Эўропа» ў Румыніі. «Срэбны ліст» прысуджаюць за ўнёсак у захаваньне расьлін.

— Гэта найвышэйшая ўзнагарода для батаніка ў Эўропе, як для пісьменьніка — Пуліцараўская прэмія. Мне было так прыемна! — расказаў Алег Маслоўскі. — Узнагароду прысудзілі за тое, што беларусы ўдзельнічалі ў распрацоўцы мэтадаў захаваньня расьлін у Эўропе й першымі ў СНД рэалізавалі ўнікальныя праекты: вылучылі самыя значныя батанічныя тэрыторыі, выявілі віды й экасыстэмы, якія знаходзяцца пад пагрозай зьнікненьня; вырашылі праблему захаваньня лугоў; а самае галоўнае — распрацавалі для органаў кіраваньня сыстэму кадастраў. Такой больш няма нідзе. Кадастар — гэта кампутарная энцыкляпэдыя, паводле якой мясцовыя ўлады могуць сачыць, як зьмяняецца колькасьць прыродных рэсурсаў, і прымаць граматныя рашэньні (напрыклад, ці дазваляць нарыхтоўку драўніны ці збор ягад у сваіх лясах). Было прыемна, што Беларусь назвалі ў ліку 4‑х краін, якія дамагліся найбольшага прагрэсу ў галіне захаваньня расьлін, разам зь Вялікабрытаніяй, Баўгарыяй і Сэрбіяй.

Узнагарода зробленая з чыстага срэбра, да яе прыкладзены іменны дыплём. Цяпер яна ўпрыгожвае працоўнае месца Алега Маслоўскага ў Інстытуце экспэрымэнтальнай батанікі імя Купрэвіча. Апрача нагоды для гонару, «Срэбны ліст» — гэта пропуск у эўрапейскую экалягічную палітыку й да дадатковага фінансаваньня на прыродаахоўныя праекты.

Ксенія Наважылава, «Комсомольская правда» в Белоруссии»

0
The Bird / Адказаць
03.10.2007 / 15:49
Не ведаю, хто памыліўся - КП ці НН. Канферэнцыя называецца Planta Europa, а не Planeta Europa. Узнагарода гэта не найвышэйшая для батанікаў, як у загалоўку, а менавіта найвышэйшая за ахову расьлін, як у тэксьце артыкулу: The Jean-Paul Galland Award is Planta Europa’s top award. The award commemorates the French botanist and conservationist Jean-Paul Galland, who was one of the founders of Planta Europa and who died tragically during a plain crash in 1996. Each Planta Europa Conference presents one single Jean-Paul Galland Award to individuals and organisations for outstanding achievements in plant conservation. Silver Leaf Awards are presented in recognition of excellence in plant conservation in Europe. Up to three silver leaf awards are being presented at each Planta Europa congress. Linnaeus award is being set for the 2007 Conference to celebrate de 250th Anniversary of Carl Von Linnaeus (not sure at all about this, sounds to me like half Swedish half Latin). The award will recognize important works in plants taxonomy. http://www.plantaeuropa.trima-events.ro/index.php?sectionID=13
Каб пакінуць каментар, калі ласка, актывуйце JavaScript у наладах свайго браўзеру