03.10.2007 / 18:12

Літва прапануе беларусам завозіць нафту праз Клайпеду 5

У выпадку рэалізацыі праекту ў Беларусь праз транспартную сыстэму Літвы зможа надыходзіць да 6 млн тонаў нафты.

Літоўскі ўрад гатовы разгледзець праекты па транзыце трубаправодным транспартам праз сваю тэрыторыю нафты, якую Беларусь будзе імпартаваць з‑за мяжы.

Літоўскі бок чакае канкрэтных прапановаў ад Беларусі па пытаньнях транзыту нафты праз порт у Клайпедзе, цытуе словы міністра гаспадаркі Літвы Вітаса Навіцкаса БелТА. У выпадку рэалізацыі такога праекту, як мяркуюць літоўскія адмыслоўцы, у Беларусь праз транспартную сыстэму Літвы зможа надыходзіць да 6 млн. т. нафты.

Варта адзначыць, што на беларускія грузы прыпадае 20‑25% усяго абароту Клайпэдзкага марскога порту.

Паводле БЕЛТА

0
СВЯДОМЫ / Адказаць
03.10.2007 / 20:24
Глупства усе гэта! На сучасны момант найвыгаднейш купляць нафту у Расеи.Литоуцам не пашанцавала,Расея нафту праз их транспартную систэму не качае.Дык яны зараз шукаюць дурняу!:)))
0
wint / Адказаць
03.10.2007 / 23:36
2 СВЯДОМЫ Не зусім так. Зараз выгодней, але што будзе заўтра? Ніхто ж не зьбіраецца адразу пачынаць тую нафту завозіць у Клайпеду, галоўнае стварыць магчымасьць гэта зрабіць, тады Беларусь будзе цяжэй шантажаваць. А дурні тыя, хто далей сеньняшняга дня не глядзяць.
0
Radykal / Адказаць
04.10.2007 / 00:24
А калі Расея АДМОВІЦЦА нам яе прадаваць? Пра нафтаперапрацоўчы завод у Мажэйках чулі? Летувісы не прадалі яго "хозяйствуюшшему суб'екту" з Расеі, і ў выніку адбылася "аварыя" на трубе ў Летуву. Трубу расейцы закрылі, як самі кажуць, назаўсёды. Супроць Беларусі, Украіны, Ґрузыі, Азэрбайджану, Летувы вядзецца экономічная (і ня толькі) вайна: з дывэрсыямі, пагрозамі, умяшаньнем ва ўнутраныя справы, таму трэба мець запасныя шляхі транспартаваньня.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру