Ведаючы 5 «залатых правілаў» вобразу першага спаткання, вы будзеце пачынаць збірацца не за суткі, а за дзве гадзіны.
1. У тым, што ты надзела, табе павінна быць камфортна
А гэта, у сваю чаргу, азначае:
Не — супер высокім шпількам
Не — новым неправераным строям (нават вельмі дарагім)
Не — вопратцы, якую трэба ўвесь час папраўляць.
2. Пакінь трохі загадкі
Напрыклад, калі твая спадніца мае выраз да сцягна, не дадавай яшчэ глыбокае дэкальтэ, і наадварот. А наогул, адзенне можа быць досыць закрытым, але аблягаць у патрэбных месцах — няхай бачыць формы і фантазіруе пра змест!
3. Адзенься адпаведна
Быць «у фармаце» спаткання — гэта вельмі важна. Так што пастарайся загадзя даведацца, куды вы пойдзеце, каб выглядаць «да месца».
4. Твой вобраз павінен быць гарманічным
Дакладней, ты мусіш адчуваць сябе гарманічна ў тваім вобразе. Калі ты заўсёды носіш джынсы і кеды, няма сэнсу ўзлазіць на шпількуі (гл. п.1) з рызыкай для жыцця. Табе павінна быць камфортна не толькі фізічна, але і псіхалагічна.
5. Адчуй сябе прывабнай
Гэта апошні, але самы важны пункт. Унутраная ўпэўненасць зробіць сваю справу — і ён не зможа адвесці ад цябе захоплены позірк!
