04.10.2007 / 16:03

Жыхарам Полацку цяпер за сьмецьце плацяць грошы 2

Палачане, асабліва маладыя, з разуменьнем і энтузіязмам паставіліся да навіны, таму працаўнікі нарыхтоўчых пунктаў не сядзяць бяз справы.

Жыхарам Полацку гарадзкія ўлады цяпер плацяць за сьмецьце грошы. Як паведаміла карэспандэнту БЕЛТА намесьніца старшыні Полацкага гарвыканкаму Натальля Качанава, у горадзе стартаваў экспэрымэнтальны праект па зборы рассартаванага сьмецьця ад насельніцтва. З гэтай мэтай у верасьні ў раёнах Полацку былі ўсталяваныя чатыры стацыянарныя нарыхтоўчыя пункты, дзе прымаюць любое шкло, посуд, плястык і паперу. Прычым аплата за другасную сыравіну ў параўнаньні зь іншымі прыёмнымі пунктамі крыху вышэйшая. Цана, а таксама выгоднае разьмяшчэньне (у спальных мікрараёнах) робяць прывабнымі такія пункты для насельніцтва.

Натальля Качанава адцеміла, што палачане, асабліва маладыя, з разуменьнем і энтузіязмам паставіліся да навіны, таму працаўнікі нарыхтоўчых пунктаў не сядзяць бяз справы.

Да канца кастрычніка ў Полацку зьявяцца яшчэ шэсьць такіх самых пунктаў, 500 новых кантэйнэраў для асобнага збору другаснай сыравіны і спэцмашына, якая будзе курсіраваць па вуліцах, разьмешчаных воддаль ад існых прыёмных пунктаў.

Праект скіраваны на паляпшэньне экалягічнай абстаноўкі ў горадзе. На ягоную рэалізацыю канцэрнам «Белрэсурсы» было выдаткавана каля 1 мільярда беларускіх рублёў. Падобныя экспэрымэнты праводзяцца цяпер у Пухавічах і адным з раёнаў Менску, дадала Натальля Качанава.

Паводле БЕЛТА

0
Yahor D. / Адказаць
04.10.2007 / 22:02
Niakhaj zhyve peraapracouka smec'cia! Vyratujem navakol'naje asiarodz'dze!
0
Radykal / Адказаць
04.10.2007 / 23:41
Малайцы! Што ні кажы, а тысяча гадоў полацкай цывілізаванасьці ў пясок ня зьбегла.
Каб пакінуць каментар, калі ласка, актывуйце JavaScript у наладах свайго браўзеру