16.12.2013 / 11:56

Лукашэнка: Беларусь гатова на любыя крокі для нармалізацыі адносінаў з ЕС 45

Беларусь гатова на любыя захады для нармалізацыі адносінаў з Еўрасаюзам. Пра гэта заявіў сёння Аляксандр Лукашэнка, прымаючы даверчыя граматы паслоў замежных дзяржаў, перадае БелТА.

Пры гэтым ён падкрэсліў, што «да нас не можа быць ніякіх прэтэнзій у плане нармалізацыі гэтых адносін».

«Я не хачу сказаць, што мяч на вашым баку — гэта журналісцкі штамп. Але ён сапраўды на вашым баку».

«Мы шчыра зацікаўлены ў развіцці добрасуседскіх адносін з Еўрапейскім саюзам. Гэта абумоўлена не толькі геаграфічнай, гістарычнай, культурнай блізкасцю, але і неабходнасцю прыняцця сумесных захадаў рэагавання на рэгіянальныя выклікі і пагрозы», — дадаў Лукашэнка.

Ён заявіў, што плённая праца па гэтых і іншых напрамках магчымая выключна на аснове раўнапраўя і ўзаемнай павагі.

«У нас занадта шмат знешніх пагроз. Давайце разам падумаем, як супрацьстаяць ім, а не скоса глядзець адзін на аднаго. Гэта ні ў вашых інтарэсах, ні ў нашых», — сказаў Лукашэнка.

Паводле яго слоў, прагматычны падыход і нацэленасць на пазітыўны вынік дазволяць бакам дасягнуць многага ў самых розных сферах. Гэта, адзначыў Лукашэнка, у роўнай ступені ставіцца як да ўзаемадзеяння з Еўрасаюзам у цэлым, так і да двухбаковых адносін з Францыяй, Нідэрландамі, Іспаніяй і Славеніяй, чые паслы ўручылі сёння даверчыя граматы.

Як вядома, прадстаўнікі ЕС на розных узроўнях неаднаразова заяўлялі, што дыялог паміж Мінскам магчымы толькі пасля вызвалення і рэабілітацыі палітвязняў.

0
321-бах / Адказаць
16.12.2013 / 12:04
Пакахайце людажэра, дарагія еўрапейцы! Ён жа жарэ толькі сваіх, і ўсяго толькі па некалькі чалавек за прэзідэнцкі цыкл. З усіх іншых суграмадзян - толькі пакрысе выпівае кроў. Ну як такога не пакахаць?
0
Водар / Адказаць
16.12.2013 / 12:09
Саша, там жа гразна в этай еуропе, ты ж там быу..
0
LMI / Адказаць
16.12.2013 / 12:19
Таварышы паслы - чарговым разам вам кажу - дурань ня я, дурні вы. Таму каб нармалізаваць са мной адносіны, рабіце высновы і захады. А.Р. Лукашенка
Паказаць усе каментары/ 45 /
Каб пакінуць каментар, калі ласка, актывуйце JavaScript у наладах свайго браўзеру