Адноўлены шляхецкі ўбор з Ашмяншчыны (злева) і сялянскі касцюм з Піншчыны.
Выступленне капэлы музыканта і мастака Алеся Лася.
Старшыня Баранавіцкай рады «Таварыства беларускай мовы» Віктар Сырыца расказвае пра праект «Мілавідская бітва 1863. Памяць пра паўстанне».
15 снежня ў Мінску прайшла культурна-гістарычная канферэнцыя, прысвечаная 150-годдзю паўстання 1863 года пад кіраўніцтвам Кастуся Каліноўскага.
Удзельнікі абмеркавалі распрацаваныя турыстычныя маршруты па мясцінах, звязаных з паўстаннем. На мерапрыемстве быў таксама прэзентаваны адноўлены шляхецкі ўбор з Ашмяншчыны і сялянскі касцюм з Піншчыны.
Канферэнцыя прайшла пад акампанемент струннай музыкі шляхецкіх двароў сярэдзіны XIX стагоддзя ў выкананні капэлы музыканта і мастака Алеся Лася.
«У часы Вялікага княства Літоўскага музыка была ўзвышанай і ўрачыстай, яна выхоўвала густ і несла эмоцыі годнасці», — сказаў Алесь Лось.
