У вышэйшых школах Літвы навучаецца ўсё больш замежнікаў. Сёлета іх на 12% больш, чым у мінулым.
Наогул зараз у Літве вучыцца 4284 студэнты-замежнікі (у мінулым годзе ва ўніверсітэтах навучаліся 3798 замежнікаў).
Больш за ўсё ў Літве навучаецца студэнтаў з Беларусі (1655), Расіі (263), Індыі (224), Нігерыі (198), Украіны (177), Азербайджана (162), Іспаніі (160), Ізраіля (132), Польшчы (127) і Швецыі (108).
Каля паловы з іх вывучаюць сацыяльныя навукі, адна пятая — гуманітарныя, амаль столькі ж - біямедыцынскія.
Як па ліку зноў прынятых, так і па агульнай колькасці замежнікаў у Літве лідзіруе Еўрапейскі гуманітарны універсітэт (ЕГУ). Тут вучацца 1474 замежнікі (пераважна беларусы).
У Літоўскім Універсітэце навук аб здароўі 692 такія студэнты, у Каўнаскім тэхналагічным універсітэце – 323.
