У палітыка Андрэя Дзмітрыева нарадзіўся другі сын, яго назвалі Фёдарам.
«Гэта найлепшы для мяне падарунак на Каляды і Новы год, — кажа спадар Андрэй. — Жонка адчувае сябе добра, яна ўвогуле малайчынка. Нарадзіўся хлопчык, важыць 3200, рост — 52 сантыметры».
Імя для сына бацькі таксама паспелі выбраць — Фёдар.
«Нам проста вельмі падабаецца гэта імя, — кажа спадар Андрэй. — Канешне, былі варыянты, дзяцей называюць у гонар сваякоў, вядомых людзей. Аднак першага сына мы ўжо назвалі Уладзімірам, і ён такі, сапраўдны Уладзімір, напорысты. Таму называць другога сына Аляксандрам ці Віктарам мы не сталі — вырашылі, што гэта будзе занадта, назвалі Фёдарам, хай будзе ўдумлівым».
0
0
0
0
0
0
