05.01.2014 / 13:52

Аляксандр Глеб перайшоў у турэцкі «Каньяспор» 8

Найлепшы беларускі футбаліст апошніх гадоў Аляксандр Глеб падпісаў кантракт на 1,5 года з турэцкім «Каньяспора».

Да гэтага Глеб правёў сезон з паловай у складзе барысаўскага БАТЭ, з якім выйграў два чэмпіянаты Беларусі.

У міжсезонні з’яўляліся навіны пра пераход Глеба ў турэцкі «Антальяспор» (не сышліся ў цане) і французскі «Нант».

«Каньяспор» – гэта не лідар турэцкага першынства.

Упершыню ў турэцкай Суперлізе каманда згуляла ў 1988 годзе, але пасля гэтага тройчы вылятала ў дывізіён ніжэй. Ніводнага разу каманда не падымалася на п’едэстал гонару.

З вядомых гульцоў, што выступалі за «Коньяспор» можна ўзгадаць баснійца Элвіра Баліча, які засвяціўся нават у мадрыдскім «Рэале». А трэніраваў каманду некалі таксама басніец Сафет Сушыч, які ў 2013 упершыню вывеў сваю радзіму на чэмпіянат свету па футболе.

Выступае каманда ў зялёна-белай, ці проста белай форме. У гэтым сезоне пакуль займае 13-е месца з 18-ці каманд.

Што тычыцца горада Коньі, то месціцца ён у цэнтры краіны, да мора не вельмі блізка. Насельніцтва – крыху больш за мільён. Горад узгадваўся яшчэ ў Бібліі. У Коньі знаходзіцца шмат славутых мячэтаў і медрэсэ (мусульманская вучэбная ўстанова).

За сваю кар’еру Глеб павыступаў у такіх камандах: БАТЭ, нямецкія «Штутгарт» і «Вольфсбург», англійскія «Арсенал» і «Бірменгем», іспанская «Барселона», расійскія «Крылы Саветаў».

У гэта міжсезонне ў Турцыю перабраўся яшчэ адзін былы гулец БАТЭ Арцём Радзькоў, які падпісаў кантракт з «Генчэлербірлігі» з Анкары.

Зміцер Панкавец

0
Я / Адказаць
05.01.2014 / 14:05
Саша, научи турков лихо ездить на машине! Вот только в тюрьмах у них бьют, и связи не канают.
0
Прохожий / Адказаць
05.01.2014 / 14:55
Для БАТЭ плюс однозначный, разгрузят ведомость зарплатную, игроки вздохнут от этой "звизды". Надо уметь вовремя заканчивать... дальше чемпионат Албании?
0
Павел / Адказаць
05.01.2014 / 15:02
Прохожий, это свинство так говорить о Глебе
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру