05.01.2014 / 14:22

У Бангладэш апазіцыя падпаліла 200 выбарчых участкаў

Падчас парламенцкіх выбараў у Бангладэш тысячы прыхільнікаў апазіцыі падпалілі больш за 200 выбарчых участкаў. Пратэстоўцы з бутэлькамі з запальнай сумессю і бензінавымі бомбамі атакавалі выбарчыя ўчасткі ў шэрагу раёнаў краіны.

У многіх раёнах таксама праходзяць сутыкненні дэманстрантаў з паліцыяй. 4 і 5 студзеня, паводле паліцыі, у сутыкненнях загінулі не менш за 11 мітынгоўцаў, застрэленых паліцыяй пры самаабароне.

Апазіцыя, у тым ліку самая вялікая апазіцыйная арганізацыя краіны Бангладэшская нацыяналістычная партыя, мае намер сарваць парламенцкія выбары.

Пратэстоўцы таксама патрабуюць адстаўкі прэм'ер-міністра.

Каб пакінуць каментар, калі ласка, актывуйце JavaScript у наладах свайго браўзеру