11.01.2014 / 00:41

Пяць фактаў пра Тэа — беларускага ўдзельніка Еўрабачання-2014 — і яго песню Cheesecake Тэа (Юрый Вашчук) — папулярызатар беларускага фальклору 49

Беларусь на міжнародным конкурсе «Еўрабачанне-2014», што пройдзе з 6 па 10 мая ў Даніі, будзе прадстаўляць выканаўца Тэа (Юрый Вашчук) з песняй Cheesecake.

Гэта стала вядома па выніках галасавання гледачоў і журы пасля беларускага фіналу адбору на конкурс, што прайшоў вечарам 10 студзеня ў Мінску. У фінале ўдзельнічалі 14 канкурсантаў.

Гледачы прагаласавалі за Лорэнса і ДзіДзюлю, журы — пераважна за Тэа (Юрыя Вашчука), апроч Ланской і Раінчыка.

У выніку сумавання галасоў гледачоў і журы Лорэнс і ДзіДзюля і Тэа набралі аднолькавую колькасць балаў (па 20). Але журы ў выніку аддало перавагу Тэа.

Юрый Вашчук нарадзіўся ў 1983 г. у Мінску. Музыкай займаецца з 4 гадоў, пачынаў з баяна, быў лаўрэатам конкурсу «Пралескі», удзельнічаў у тэлепраекце «Зорная ростань».

У 2000 годзе быў запрошаны на працу ў Нацыянальны канцэртны аркестр пад кіраўніцтвам М. Фінберга. У 2008 годзе скончыў Беларускі дзяржаўны універсітэт культуры і мастацтваў.

Працуе з многімі беларускімі і замежнымі выканаўцамі як аранжыроўшчык і кампазітар. Напісаў музыку да двух расійскіх фільмаў.

Юрый (Юрась) Вашчук разам з Аксанай Вечар вядзе на Беларусь-3 праграму «Наперад у мінулае», дзе аўтары ездзяць па беларускіх рэгіёнах і запісваюць беларускі фальклор.

«Творчая група адпраўляецца ў беларускую глыбінку, дзе яшчэ захавалася спрадвечная песенная спадчына, у кампаніі з адным з сучасных артыстаў. Носьбіты аўтэнтычнай культуры — бабулі ў вёсках выконваюць некалькі песень, выбіраецца адна. На яе ствараецца арыгінальная сучасная аранжыроўка ў творчай манеры артыста з выкарыстаннем арыгінальных галасоў. Паралельна ідзе аповяд аб дадзенай мясцовасці — пра народную песенную творчасці, абрады, народныя промыслы. Фіналам праграмы становіцца новая версія народнай песні ў выкананні сучасных артыстаў». Праграма ідзе ў нядзелі у 13:00.

Адна з праграм «Наперад у мінулае»

Беларусь удзельнічае ў Еўрабачанні з 2004 года, у фінал праходзіла тройчы (2007, 2010, 2013).

Першымі прадстаўнікамі краіны стаў дуэт «Alaksandra & Kanstancin», які выканаў песню «My Galileo». Краіна выступала ў паўфінале набрала 10 балаў і заняла 19 месца.

Самае высокае месца – 6-е ў 2007 г. (Хельсінкі, удзельнік Дзмітрый Калдун). Найгоршы выступ — 22-е месца ў 2006 (Афіны, Паліна Смолава, 22-е месца ў паўфінале).

2004 – «Аляксандра і Канстанцін» (паўфінал, 19-е месца, 10 балаў)
2005 – Анжаліка Агурбаш (паўфінал, 13-е месца, 57 балаў)
2006 – Паліна Смолава (паўфінал, 22-е месца, 10 балаў)
2007 – Дзмітрый Калдун (фінал, 6-е месца, 145 балаў)
2008 – Руслан Аляхно (паўфінал, 17-е месца, 27 балаў)
2009 – Пётр Ялфімаў (паўфінал, 13-е месца, 25 балаў)
2010 – праект 3+2 (фінал, 24-е месца, 18 балаў)
2011 – Анастасія Віннікава (паўфінал, 14-е месца, 45 балаў)
2012 – Litesound (паўфінал, 16-е месца, 35 балаў)
2013 – Алёна Ланская (фінал, 16-е месца, 48 балаў)

 

nn.by

0
Юджын / Адказаць
11.01.2014 / 00:47
Паказальна, што на галасы выбаршчыкаў і тут наплявалі
0
анон / Адказаць
11.01.2014 / 00:58
никого не удивило, что про этого Тео целый сюжет в новостях по БТ показали? или они про каждого снимали? не помню такого плюс после его выступления пауза была, в которой ведущие посоветовали у него пластике поучиться
0
znikla / Адказаць
11.01.2014 / 02:22
З усіх у фінале гэта была адзіная песня, якая цалкам адпавядае фармату Еўрабачання і мае на гэтым конкурсе нейкія шанцы. Такія лёгкія папсовыя песні, якія западаюць у памяць і якія, што вельмі важна, "качаюць", якраз-такі часта паспяхова праходзяць і фінал, бо падабаюцца аўдыторыі Еўрабачання. Мяне нават здзівіла, што нашыя "выбаршчыкі" нарэшце зразумелі гэты фармат. Вашчук сярод беларускіх артыстаў займае самае шараговае, без ніякіх прывілеяў палажэнне, такое, як і дзясяткі іншых. Не думаю, што яго нехта спецыяльна прасоўваў і падтасоўваў пад яго вынікі галасавання. Між іншым, НН, у артыкуле вы не падумалі адзначыць, а мо і проста не ведалі, што ён пару гадоў, напэўна, рабіў, ды і зараз, хутчэй за ўсё, робіць на канале "Лад" праграму па папулярызацыі фальклорнай спадчыны. Ён з Аксанай Вечар, здаецца, і з рознымі артыстамі эстрады ездзіць па вёсках, дзе ёсць народныя спеўныя калектывы, там бабулькі спяваюць ім розныя фальклорныя песні, яны потым выбіраюць нейкую з іх, Вашчук робіць сучасную аранжыроўку, і запрошаная "зорка" гэтую песню запісвае ў студыі. Да таго ж, гэта ён спяваў "У Брагін да цябе я еду" )) Нічога асаблівага ў хлопцы няма, але сярод усіх іншых ён цалкам годны кандыдат, а ягоная песня - адзіная, якую можна было выбраць. Песня Дзідзюлі, дарэчы, была "ніпрашто", абсалютна нулявая па патэнцыялы для Еўрабачання. Добра, што паслухалі не гледачоў, а журы. Там, дарэчы, многія суддзі цалкам адэкватныя і дасведчаныя ў гэтай сферы былі, з "вялікіх спецыялістаў" былі толькі Ціхановіч і Ланская, здаецца. І мне сорамна за сотні каментатараў на некаторых сайтах і ў сацсетках, якія адразу ж пачынаюць с......ць на галаву гэтаму няшчаснаму Тэа. "А хто гэта такі", "Як ГЭТА можа прадстаўляць краіну", "Можна нават не слухаць, па твары ўсё ясна", "Горш ужо быць не можа" і г.д. Вось як заўжды - што б ні выбралі, рэакцыя ў нашых людзей на ўсё аднолькавая. Раз нашае - значыць, нічога не вартае. Брыдка нават.
Паказаць усе каментары/ 49 /
Каб пакінуць каментар, калі ласка, актывуйце JavaScript у наладах свайго браўзеру