15.01.2014 / 17:17

Званне заслужанага майстра спорту далі хакеісту, які дыскваліфікаваны за ўжыванне допінгу 5

Ён атрымаў яго ў шэрагу гульцоў хакейнай каманды прэзідэнта.

Андрэй Міхалёў, фота goals.by.

«Ганаровае званне заслужанага трэнера Рэспублікі Беларусь прысвоена Андрэю Гусаву, заслужанага майстра спорту Рэспублікі Беларусь — Андрэю Асташэвічу, Паўлу Беламу, Сяргею Задзялёнаву,

Андрэю Міхалёву і Генадзю Савілаву», — гаворыцца ў афіцыйным паведамленні прэс-службы Аляксандра Лукашэнкі.

Сярод пералічаных прозвішчаў звяртае на сябе ўвагу Андрэй Міхалёў. 35-гадовы хакеіст, які раней гуляў за мінскае «Дынама», а таксама іншыя клубы Беларусі і Германіі.

У маі 2013 дысцыплінарны камітэт Міжнароднай федэрацыі хакея абвесціла аб двухгадовай дыскваліфікацыі Міхалёва. Справа ў тым, што ў лютым таго ж года падчас алімпійскай кваліфікацыі ў Даніі ў крыві Міхалёва быў знойдзены забаронены прэпарат – метылгексанамін.

Гэтае рашэнне можна было абскардзіць у міжнародным арбітражным судзе ў Лазане, але хакеіст вырашыў не рабіць гэтага, а проста скончыў прафесійную кар’еру. Дыскваліфікацыя будзе доўжыцца да сакавіка 2015-га.

Варта адзначыць, што гэта не першы прыклад таго, як спартсмен, якога некалі лавілі на ўжыванні забароненых прэпаратаў, ушаноўваецца дзейнымі ўладамі. Былы малатабоец Вадзім Дзевятоўскі з’яўляецца дэпутатам палаты прадстаўнікоў. 

Зміцер Панкавец

0
alex / Адказаць
15.01.2014 / 20:14
Слабенька, nn, слабенька. Калiнкiна тэму раскрыла, а вы - не. Галоўнае тут не допiнг, а тое за якiя дасягненнi выдаецца "заслужаны майстар спорту".
0
такi дэвіз / Адказаць
15.01.2014 / 21:07
прымай допінг, ператварыўшыся ў зомбі, за гэта ўлады цябе ўшануюць-пацалуюць
0
майстар / Адказаць
15.01.2014 / 21:42
А ў савецкі час званне "заслуженный мастер спорта" давалі толькі за перамогі на чэмпіянатах свету і Алімпіадах...
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру