Жыхар Гродна ў лесе каля вёскі Славіч злавіў у пастку бабра. За незаконнае паляванне яму прыйдзецца пакрыць шкоду прыродзе і кошт тушкі. Сума складае каля 10 мільёнаў рублёў.
Як паведамляе дзяржінспектар Гродзенскай міжрайінспекцыі аховы жывёльнага і расліннага свету Віктар Савоневіч, інспектары выявілі ў капкане ўжо мёртвага бабра.
Толькі паляўнічы сабраўся выцягнуць звера, як яго затрымалі. Дакументаў на права здабычы паляўнічай жывёлы ў мужчыны не было. На месца выклікалі следча-аператыўную групу. Сабраны матэрыял перададзены ў следчы камітэт Гродзенскага межрайаддзела. Узбуджана крымінальная справа.
Вінаваты можа быць пакараны штрафам, або арыштам да 6 месяцаў, ці абмежаваньнем волі да двух гадоў, або пазбаўленнем волі да трох гадоў.
0
0
0
0
0
0
